→ كل الوصفات

منسف على لحمة

بما انه اللحمة متوفرة عندي والحمدلله قلت بعمل اكلة منسف محترمة 😁خلينا نتبهنك شوي قبل ما يرجعوا يعملو علينا حجر غير صحي 😂😂😂

  • 6 قطع لحمة بعظمه
  • 3 كاسات رز بسمتي
  • مطيبات لسلق اللحمة
  • 2 كيلو لبن
  • مكعب جميد او جميد سائل علبة
  • 2 ملعقة سمن بلدي
  • مكسرات حسب الموجود للزينة
  • قطعتين خبز شراك لتشريب اللبن
  1. نغسل اللحم ونسلقه مع المطيبات لمدة ساعتين انا اختصرت الوقت وسلقته بطنجرة الضغط اخدت معي اللحمة بعد سماع صوت الصفارة مدت تلات ارباع الساعة 🤩توفير
  2. جبت هالمرة جميد سائل وخلطته مع اللبن وحركته عالنار حتى بلش يغلي اضفتله ماء سلق اللحمة
  3. يفضل انه نشيل اللحمة من المرق مشان ماتفرط لأنها رح تستوي كتير وتفصل عن العظم
  4. حطيت مع اللبن معلقة سمن بلدي بيعطي نكهة عربية طيبي
  5. لسلق الرز غسلت الرز ونقعته عشر دقايق وبعدين دوبت سمن بلدي وحمصت الرز في واضفت عالرز من ماء سلق اللحمة بيطلع الرز أطيب ونكهته مشبعة بمطيبات سلق اللحمة
  6. بس جهز اللبن حطيت اللحمة جوا اللبن لمدة عشر دقائق
  7. قطعت أطراف خبز الشراك وحطيت بسدر ودرت عليه لبن المنسف وحطيت فرقه الرز وبعدين اللحمة َزينتا بالمكسرات والف صحة وهنا
  8. طبعا كتار يلي بيعملوا المنسف وكل وحدة فينا الها طريقتها والها حركات وتكات الله يقوي الجميع ويرزقني ويرزقكم من نعمه
عجبتك الوصفة؟
شوف كل وصفاتنا في مكان واحد
كل الوصفات →