→ كل الوصفات

منسف فريكة ورز باللحم

طبق رئيسي مناسب للعزائم وصفة ولا اطيب من هيك على طريقة حماتي 😄😍

  • 3 كاسات فريكة
  • كاستين رز طويل
  • مكعبين ماجي بالخضار
  • فخدة خروف
  • معلقتين لبن زبادي
  • معلقة صغيرة ملح
  • رشة فلفل اسود
  • رشة فلفل ابيض
  • رشة زنجبيل بودرة
  • رشة كركم
  • 2 ورق غار
  • 8 حب هيل
  • كاسة ماء
  • 6 فصوص ثوم صحاح
  • كاجو وفستق حلبي ولوز وجوز للتزيين
  1. اول شي منحمص المكسرات ومنحطها على جنب
  2. ومنغسل فخدة الخاروف ومنضفها وبعدا منجهز التبلة معلقتين لبن زبادي مع ملح وفلفل اسود وابيض وزنجبيل بودرة وكركم ومنخلطن سوى وبعدا منوزع التبلة كلها على فخد الخاروف ومنعمل شقوق بالفخد وبكل شق منحط فص ثوم
  3. وبعدا منحط الفخدة بصينية فرن ومنضيف عالصينية كاسة ماء مع ورق الغار وحب الهال ومنغلف الصينية بورق القصدير ومندخلن على الفرن عدرجة حرارة 180-200 لمدة ساعتين لساعتين ونص حتى تمام الاستواء والنضج
  4. مع مراعاة فتح الفرن كل نصف ساعة والتأكد من وجود الماء وفي حال ما في ماء إضافة القليل من الماء كي لا يلزق اللحم بالصينية ويحترق
  5. الخطوة الثانية نغسل الفريكة بالماء عدة مرات لإزالة الشوائب ثم في طنجرة نضع ملعقة زبدة مع القليل من زيت نباتي ونضيف الفريكة بعد تصفيتها جيداً من الماء ونقليها مدة خمس دقائق
  6. ثم نضيف 4 كاسات ماء ورشة ملح ونتركها حتى تغلي ثم نخفف الغاز عليها ونغطيها مع مراعاة تحريكها من فترة لفترة حتى تستوي وتنشف ميتها
  7. يتم طبخ الرز الطويل مع مكعبين ماجي بالطريقة المعتادة
  8. ثم بصينية التقديم نضع الطبقة الاولى فريكة وفوقها الرز وفوقن فخدة الخاروف المحمرة بالفرن واخر خطوة المكسرات المحمصة
  9. تقدم الى جانب اللبن العيران والمخللات والسلطات. بتمنى تعجبكم، صحة وهنا 💞💞
عجبتك الوصفة؟
شوف كل وصفاتنا في مكان واحد
كل الوصفات →