→ كل الوصفات
وصفتنا من المطبخ المنغولي الطبق ده في ناس بتروح مطاعم الآسيوية مخصوص علشان يطلبوه جنب نودلز او رز المقلي الآسيوي فأنا هقولك طريقته في بيت بمكونات سهلة وبسيطه وممكن اصلا المكونات دي تكون عندك في بيت و تبقى وجبه غداء سهلة خصوصاً لو عايزة تنوعي في وجبات الغدا وتخرجي برة روتين ♥️هتعجبكم جداً بإذن الله ❤️
المقادير
- 500 جرام لحمة ستيك مقطعة شرايح
- 1/4 كوب نشا
- 1/4 كوب زيت نباتي
- م ص بهارات لحمة (طريقه عندي في الوصفات)
- 2 م ك زنجبيل مفروم
- م ك ثوم مهروس
- 1/3 كوب صويا صوص
- 1/3 كوب ماء
- 1/3 كوب سكر اسمر او أقل
- بصل اخضر مقطع قطع صغيرة او فلفل رومي اخضر مقطع مكعبات
- رشة سمسم محمص
طريقة التحضير
- في بولة هنخلط لحم بالتوابل اللحمة وبعدين نحط النشا عليه ونخلطهم مع بعض كويس
- وفي طاسة فيها زيت نباتي على نار هنشوح اللحمة وبعدين نرفعها على جنب ونحط مكانها زنجبيل وثوم ونقلب وننزل بالصويا صوص وماء وسكر الاسمر ونقلب لحد ما سكر يذوب ويختلطوا
- وبعدين انزل باللحمه عليها ونخلطهم ببعض ونسيبها تستوي وبعدين نزينها بالبصل الاخضر والسمسم وتقدم وبألف هنا ❤️
- ملحوظة تقدري تضيفي ملح بس قليل علشان صويا صوص حادق علشان ماتحدقيش الوصفة وبيتحط في الاخر لما اللحمة تقرب تستوي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد