→ كل الوصفات

مهلبية المانجو

الوصفة دي كنت بعملها مهلبية بالنوتيلا او مهلبية المعتادة بتاعتنا المرة دي قررت بالمانجو طعمها روعة جدا هتعجبكم بإذن الله #جددت_وصفتي #الشيف_الذهبي

  • 4 كوب عصير مانجو
  • 5 معالق نشا
  • كوب ماء فاتر
  • علبة صغيرة حليب مركز او مكثف
  • ½ او لتر كامل ماء ع حسب الكمية
  • معلقتين كبار ماء ورد
  • للتزيين
  • مكسرات او كريمة شانتيه او قطع مانجو
  1. هتجيبي حلة هتحطيها ع نار وهتحطي عليها عصير المانجو وحركيه باستمرار لحد مايغلي
  2. وبعدين هتحضري نص من كوب ماء فاتر و هتدوبي فيه نص كمية نشا يعني حوالي معلقتين ونص نشا وقلبيه كويس جدا وضيفيه ع عصير المانجو اللي ع نار مع تحريك مستمر لحد مايتقل كده و بعدين اقفلي عليه
  3. وهاتي اطباق اللي عايزة تحطي فيها بس ماتمليش طبق لحد اخره وبعدين سيبهم يبردو بره شوية وبعدين حطيها ف تلاجة لحد ماتتماسك
  4. بعد كده هتجيبي حلة تانية حطيها على نار وحطي فيها الحليب المركز وضيفي نص لتر او اكتر ع حسب كمية اللي عايزها او هتكفي باقي اطباق اللي حطيتي فيها مهلبية مانجو و هتحطي ماء ورد مع تقليب مستمر لحد مايغلي
  5. وبعدين هتحضري نص كوب اللي اتبقى من ماء فاتر وباقي نشا اللي هي بردو معلقتين ونص و دوبيها في ماء الفاتر ده وحطيها ع الحليب المركز اللي ع نار وقلبي لحد مايتقل واقفلي ع نار وسيبيها 10 دقايق تبرد وبعدين هتصبيها ع كل طبق فيه خليط المانجو بتدريج وسيبيه بره تلاجة لمدة ساعة ع درجة حرارة الغرفة و بعدين حطيه ف تلاجة يتماسك شويه
  6. ولما يتماسك زينيه بطريقة اللي تحبيها سواء مكسرات او كريمة شانتيه او قطع مانجو مكعبات وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →