→ كل الوصفات

مهلبية الموز🍌باللبن🥛والبسكويت🍪للاطفال👶والكبار🧕

طبعا رمضان قرب 🌙🌙وكل سنة وانتوا طيبين😍😍. اللهم بلغنا رمضان لا فاقدين ولا مفقودين يارب العالمين..🤲 وكلنا بنحب ناكل حاجة ترطب على قلبنا بعد الصيام عشان بنبقى دايخين وهلكانيين 😫😩وكمان عشان لضيوفنا🧕🤰👨‍👩‍👧‍👧 ولاطفالنا الحلوين.. 👶👶 عشان كده النهاردة بقى عملتلكوا مهلبية الموز 🍌باللبن 🥛والبسكويت🍪 والسوداني للاطفال👶 والكبار..🧕 وكمان مش مكلفة ومُغذية في نفس الوقت.😋😋 والوانها مبهجة عشان أطفالنا الصغننين💖💖 #تحدي_الشيف_الذهبي #الشيف_الذهبي #مهلبية_الموز_باللبن_والبسكويت #كوكينا_cookina #eman_magdy

  • كوب لبن🥛
  • ملعقة كبيرة نشا🍚
  • ملعقة ونص كبيرة سكر او حسب الرغبة🍚
  • موزة مهروسة🍌
  • بسكويت سادة مطحون🍪
  • سوداني 🥜مجروش بدون ملح
  • شيكوبون🍡 ونجوم ملونة🌟🌠
  • لون طعام اصفر〽️
  1. اول حاجة هنجيب كسرولة وهنحط لبن بارد زي قلبكوا الأبيض الجميل ده.. 💟انا استخدمت بخيره..اللي عايز يستخدم لبن بشره مافيش مشكلة 😁😂 او لبن عادي براحته وهنحط كمان النشا
  2. والسكر يامسكرين ياحلوين..🍚 كفاية كده احسن النمل🐜 يتلم علينا من حلاوتكوا..😁🤩 وهنقلب لحد لما يدوبوا🌀 شوية في حبنا وغرامنا😅
  3. وبعد كده هنضيف الموزة🍌 المهروسة اللي طلعنا عينها بالشوكة وفعصناها..👿 ونقلب كويس🔄
  4. وبعد كده هنحطها عالنار🔥 وهنفضل نقلب نقلب🔄 لحد لما يدوخ 😓ويسخن شوية.. انا بقى حبيت أضيف لون اصفر شوية بشوية لحد لما وصلت للون اللي انا عايزاه عشان يعجب الاطفال👶 ويبقى لونه مبهج كده وجميل زيكوا💖💖
  5. فضلت اقلب باستمرار 🔄عشان مايكلكعش لحد لما بقي بيغلي🌡️ واتأكدت ان النشا استوى وتقل معايا بالشكل ده وهنسيبه يهدي شوية ونريح اعصابه بعد اللي عملناه فيه 😁😁😂
  6. بعد كده حطيت في بولة اول طبقة من البسكويت🍪 وبعد كده معلقتين مثلا من المهلبية♋
  7. ورجتها بالطبق لحد لما راسها داخت😅 ووزعتها في البولة
  8. وبعد حطيت طبقة من السوداني🥜 وطبقة تاني من المهلبية وفضلت أكرر الخطوات لحد اما خلصت المهلبية👌👌
  9. وبعد كده زينته بالشيكوبون🍡 والنجوم الملونة🌟🌠
  10. ودي شكلها من جوة طعم الموز🍌 مع السوداني🥜 والبسكويت🍪 خطييير😋
  11. وبالهنا والشفا على قلبكوا الجميل ويارب اكون كنت خفيفة على قلبكوا 💖🌹
عجبتك الوصفة؟
شوف كل وصفاتنا في مكان واحد
كل الوصفات →