→ كل الوصفات

مهلبية شوكولاته وفراوله 😉😉

بصوا انا اول مرة اعملها ولادى بالليل كان نفسهم يكلوا حاجه حلوه وبسرعة لقتنى بقولهم اعملكوا مهلبية شوكولاته وانا بعملها لقتنى بقول اعملها نص شوكولاته ونص فانيليا ابتديت اجهز الفانيليا الأول قولت احط عليه زبادى فراوله لقيت اللبن ابتدى يقطع لحقته على طول بالنشا عشان يرجع يربط والشوكولاته حطيت باكو كبتشينوا شوكولاته وفى الاخر طلعت زى ما شوفتها عجبت ولادى جدا وجالى ضيوف قدمتلهم منها برده عجبتكم جدا واتمنى أنها تعجبكم انتوا كمان 😉😉

  • كيلو لبن
  • كوب ونص سكر عاوزه تزودى أو تقلل براحتك
  • فانيليا
  • علبه زبادى اى طعم تحبيه
  • باكيت كبتشينوا شوكولاته
  • 10 معالق نشأ كبيره
  • 2 معلقه كاكاو
  1. أغلى اللبن على النار وضيفى عليه السكر ودوبى كويس والفانيليا
  2. اقسمى اللبن نصين نص ضيفى عليه الذبادى وقلبيه وضيفى 5 معالق نشأ مدوبين فى ماء وقلبيهم فى اللبن لحد ما تتقل بعد كده سبيه دقيقتين على نار هادئة
  3. النص التانى هتجيبى بوله حطى فيها 5 معالق نشأ مع الكاكاو مع الكبتشينوا وقلبيهم مع ماء كويس ثم ضيفيه الى اللبن وقلبيه لحد ما يتقل واستمرى في التقليب على نار هادئة دقيقتين واطفى عليه
  4. صوبى فى البولات بالشكل اللى على زوقك والتزين برده على زوقك
عجبتك الوصفة؟
شوف كل وصفاتنا في مكان واحد
كل الوصفات →