→ كل الوصفات
موسم القرع ابتدي ومهلبية مغذية بطعم لذيذ اقرب للمانجو منعشة جداً وحلوة للاطفال
المقادير
- 2 كيلو قرع صافي مقشر ومقطع مكعبات صغيرة
- لتر ماء
- 2 كيس نشا تاج الملوك ابو 3 جنيه
- 2 كوب كبير لبن
- 35 معلقة صغيرة مليانة سكر (طريقة لحساب كمية السكر للتحلية مضمونة جداً اذكرها في الطريقة)
- باكو كريم شانتيه دريم ويب
- 0.5 كوب لبن ساقع للكريمة
- معلقة كبيرة قرفة
- 2 ملعقة صغيرة فانيليا
طريقة التحضير
- اولا هندوب النشا ده في 2 كوب اللبن كويس جداً
- هنضرب الكريم شانتيه البودرة في نص كوب اللبن الساقع لحد ما القوام يتقل
- في حلة كبيرة على النار يفضل ستانلس عشان هنستعمل الهاند بليندر اذا توفر او الخلاط الكهربائي بدلا منه هنحط القرع المكعبات والمية والسكر والفانيليا على نار عالية لحين الغليان
- طريقة تحلية اي حلويات او عصير هي اضافة ملعقة سكر لكل 100 مل من الحجم الكلي.. وبالتخمين ان كمية المهلبية دي كلها حوالي 3 لتر ونص يعني 3500 مل اذا هنضيف 35 ملعقة سكر وبالفعل بتكون التحلية مضمونة ومظبوطة جداً وكذلك لانواع العصائر اللتر 10 ملاعق وهكذا ماعدا العصائر الحامضة زي الليمون والبرتقال بيحتاج تحلية اكبر... اتمنى اكون افدتكم
- نهدي النار ونسيب القرع يطيب (يستوي)ويستوي مع التقليب من الوقت للاخر
- لما نحس ان القرع بقي طري ومستوي هنضرب بالهاند بليندر كويس جداً لحد ما يتطحن وقوامه يكون كريمي او نستخدم الخلاط الكهربائي
- نضيف القرفة ونقلب بمضرب سلك ثم نضيف النشا المذاب ونقلب كويس تقليبة يمتزج والقوام يتقل ونطفي النار
- نضيف الكريم شانتيه ونقلب كويس جداً
- ملحوظة. : نراعي ان اللبن المستخدم في عمل النشا والكريمة لازم يكون مغلي سابقا ومبرد عشان ميقطعش مننا ويفسد الوصفة
- نصب المهلبية في كاسات او بولات وتوضع في الثلاجة على الاقل ساعتين ويمكن تزيينها بقطع المانجو او المكسرات ويقدم بالف هنا وشفا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد