→ كل الوصفات

مهلبية قمر الدين الرمضانية 🌙🌙

#تجهيزات_رمضان

  • 1 لفه قمر الدين 400 جرام
  • 5 أكواب ماء مغلي
  • 5 معالق كبار نشا
  • 1 كوب سكر
  • 1 م.ص فانيليا سائلة
  • المكسرات حسب الرغبه
  1. نضع لفه قمر الدين على النار مع خمسه أكواب من الماء المغلى
  2. نبدأ نقلب القمر الدين لحد ما يذوب معانا خالص تماما
  3. بعد ما القمر الدين ذاب معانا نبدأ إضافة النشا المذوبه فى قليل من الماء قبل إضافتها للقمر الدين عشان هو سخن عشان ميكتلش و لا يكلكع معاكم
  4. و بعد كده حنقوم بإضافة كوب واحد من السكر
  5. و ندلعها و ننكها بحوالى ملعقة واحدة صغيرة من الفانيليا السائلة
  6. و أول ما تتخن و تعمل قوام حلو زى إللى شايفينه فى الصورة الحلوة دى نديها غلوة و نطفى عليها
  7. لازم تصب وهى ساخنه و ليست بارده تصب ساخنه
  8. شايفين حلاوتهم حلاوة القمر الدين صبناه فى الكاسات و هما سخنين و لازم نتركهم يبردو تماما
  9. يمكن إضافة المكسرات و المكسرات طبعا حسب الرغبه و بعد ما القمر الدين برد خالص نقوم بحفظه فى الثلاجة حتى يتماسك و يجمد تماما معانا
  10. رمضان كريم و كل سنة و أنتم طيبين و يارب مهلبية قمر الدين تنول إعجابكم و بألف هنا و شفا
عجبتك الوصفة؟
شوف كل وصفاتنا في مكان واحد
كل الوصفات →