→ كل الوصفات
طريقة عمل مهلبيه بالفانيليا والشوكولاتة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب ونص لبن
- 3 معلقه كبيره نشا
- رشه فانيليا
- 2 معلقه سكر كبيره او حسب الطعم الى تفضلوه
- جوز هند مبشور وزبيب
- 2 كوب ونص لبن
- 3 معلقه نشأ كبيره
- 3 معلقه كبيره سكر
- رشه فانيليا
- 2 معلقه كبيره كاكاو بودرة
- جوز هند وزبيب
طريقة التحضير
- هنغلي اللبن الاول كله وبعدين نقسمه بالتساوي على حسب ال 1/2 لتر هيجيلك قد اي نص هنعمل منه فانيليا ونص شوكولاته
- هنبدا بالفانيليا في حله على النار ونضيف نص كميه اللبن على نار هادئة
- نضيف السكر حسب الرغبه ونقلب ونضيف رشه الفانيلا
- هنجيب طبق صغير نخلط فيه ال 3 معلقه نشأ كبيره بشويه ماء صغيرين يعني ربع كوب ماء
- ننزل بالنشا بالتدريج على اللبن ونقلب بمضرب السلك لغايه القوام المظبوط ونسيبه شويه على النار علشان يكون مستوي متحسيش بطعم النشا وبعدين نرفعه من على النار ونسيبه شويه
- نجيب باقي كميه اللبن في حله على النار ونضيف ليها الكاكاو ونسيبها تغلي شويه علشان الكاكاو
- وبعدين نضيف السكر حسب الرغبه ونقلب ونضيف رشه فانيليا
- هنجيب طبق صغير تخلط فيه ال 3 معلقه نشأ كبيره بشويه ماء صغيرين يعني ربع كوب ماء
- ننزل بالنشا بالتدريج على اللبن ونقلب بمضرب السلك لغايه القوام المظبوط ونسيبه شويه على النار زي الى عملناه بالخليط التاني الفانيليا
- ونجيب اطباق التقديم نضع شويه مهلبيه الشوكولاته تحت وبعدين نضيف مهلبيه الفانيلا وزي انتي تحبي ويكون على ذوقك وتزيينه بقى شويه جوز هند وزبيب ودا الشكل النهائي وبالف هنا وعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد