→ كل الوصفات
#حلويات_يومية
المقادير
- العجينة المورقة (انا خدمت بوصفة ام وليد)
- كاس سكر ناعم
- كاكاو
- 2 ملاعق كبيرة و نصف مايزينة
- 3 ملاعق سكر
- لتر حليب
- ملعقة صغيرة فانيليا
- 2 ملعقة كبيرة كرام شونتيي
طريقة التحضير
- نجيب العجينة المورقة نفتحها مستطيل نحلها رقيقة شوي و نديرها في بلاطو فيه ورق طهي نثقبها بالفرشيطة و ندير ورق طهي فوقها و ندير بلاطو فوق ورق الطهي باه العجينة تجيني رقيقة و تتنفخش في وسط الفور...نشعل الفور على نار قليلة و ندخلها طيب لما تتحمر نطفي عليها و نخرجها تبرد
- نحضر كرام باتيسيار في اناء نحط نصف لتر حليب مع 3 ملاعق سكر مع ملعقتين و نصف مايزينية و حطهم فوق النار حتى,تخثار الكريمة نحطها و نضيفلها فانيليا نخليها تبرد تماما و نضيفلها ملقتين بودرة الشونتي و نخلط بالخلاط حتى الحصول على,كريمة خفيفة
- نجيب العجينة المرقة لي طيبناها نقسمها على 3 طبقات بين كل طبقة و الاخرى ندير كمية كافية من الكريمة و في الطبقة الاخيرة ندير فوندو و نزينوه بخطوط بنية
- الفوندو نحضروه بكاس سكر رطب مع ربع كاس حليب او اقل نحط في اناء كاس سكر رطب و نبدا نضيف في الحليب غير بالقطرات حتى نتحصلو على قوام ثقيل نديروه فوق الطبقة الاخيرة
- التزيين نجيب كمية من الفوندو لي تبقلنا و نزيدلها قليل من الكاكاو فقط حتى نتحصلو على لون بني. نديروها في كيس حلواني هادوك تاع 10 دينار و نزين السطح بالخطوط و بسكين نشكل خطوط الميلفاي لي نعرفوها كامل. نخلوها حوالي نصف ساعة و نقطعوها
- ان شاء تنال اعجابكم وشهية طيبة 😘😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد