→ كل الوصفات
نوع من انواع الجاتوه. اللي موجودة في محل الحلويات او التورت 😍 و من اكتر الحاجات اللي بعشقها 😍
المقادير
- لعجينة البف باستري
- كوب و نص زبدة
- 3 كوب دقيق
- كوب وربع ماية
- رشة ملح
- (او عجينة البف باستري الجاهزة)
- 4 صفار بيض
- نص كوب سكر
- معلقتين نشا
- معلقتين زبدة
- ص معلقة نفاانيليا
- 2 كوب لبن (او كريمة باستري جاهزة)
- صوص الكراميل او اي صوص او سكر باودر او عسل او مربى
- لكريمة الباستري
- للتزيين: شوكولاتة خام او صوص الشيكولاتة
طريقة التحضير
- العجينة: نخلط الدقيق و الماية و الملح مع بعض لحد ما يبقوا عجينة ناعمة و نحطها في التلاجة لمدة ساعة
- نجيب الزبدة و نقطعها شرايح و نرش عيها شوية دقيق و نخلطها بسرعة قبل ما تسيح نطلع العجينة و نفردها على مكان نضيف و عليه دقيق على شكل مستطيل و نشكل الزبدة نفس حجم المستطيل و نقفل العجينة عليها على شكل ظرف و نفردها و نتنيها من النص و نحطها في التلاجة لمدة نص ساعه
- بعدين نتنيها من النص و نفردها ٦ مرات و نسخن الفرن على ١٨٠° و نحط العجينة في صينية مبلولة و نخرمها بالشوكة و نسيبها في الفرن لحد ما تستوي
- الكريمة.. نسخن اللبن و نضرب البيض و النشا و السكر و الفانيليا و نضيف اللبن عليهم و نضربهم كويس و بعدين نحطهم في المكان اللي سخنتا فيه اللبن تاني و نحطهم على النار لحد مايتقلوا اول ما يتقلوا نحط الزبدة عليهم و نقلب كويس و نحطها في طبق و نغطيها لحد ما تبرد
- لما العجينة تستوي نقطعها قطع متساوية و بعدين نمسك كل اتنين او تلاتة حسب الرغبة و نحط مابينهم الكريمة و على الوش الشيكولاتة او السكر ،، ممكن بدل الكريمة مربى او عسل
- بالنسبة ل الشيكولاتة الخام بنخطها في طبق مع شوية زبدة او سمنة عشان يدوها لمعة و تحتيهم حلة او طبق فيها ماية مغلية و نفضل نقلب
- نصايح لعجينة البف باستري : ١، ماينفعش بعد ما نضيف الزبدة نسيب العجينة برا التلاجة عشان الزبدة ماتسحش و الطبقات تلزق في بعض، ٢،ماندهنش الصينية اللي هنخبز فيها العجينة، ٣، لازم الصينية تكون مغسولة كويس ٤،نظبط الفرن على ١٨٠° :٢٠٠° ولازم يكون متسخن قبل ما الصينية تتحط ٥،
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد