→ كل الوصفات
نقدر نخزنها في الفريزر وناخدها معانا الشغل الصبح او الاولاد في المدرسه "بتدخل ميكرويف 3 دقائق بتخرج كانها لسه معموله🩵"
المقادير
- 4 كوبايات دقيق
- 2 معلقه صغيره خميره فوريه
- معلقه صغيره بايكينغ باودر او شيف كيك
- معلقه صغيره ملح
- 5 معالق صغيره سكر
- ¼ كوبايه +2معلقه زيت
- ماء دافي
- جبنة رومي اولانشون او شوكولاته او جبنة وزيتون او جبنة وزعتر او لحمة مفرومة وممكن سجق او مربى
طريقة التحضير
- ننخل الدقيق في بوله ونحط عليه الملح والبيكنج بودر ونقلبهم
- كوب مياه دافيه "وممكن نخليها نص مياه ونص لبن او نخليها لبن ونزود القيمه الغذائيه" عليها السكر والخميره ونقلبها ونسيبها دقيقه عشان نختبر الخميره
- نخلط المكونات كلها ونضيف عليهم الزيت ونعجن لمده 10 دقائق لحد متكون عجينه نعمه ومش بتلزق نخليها تختمر لمده ساعة
- هنقطع العجينة كور ونحشي جواها اي حشو وندهن صينية زيت
- نسيبها تختمر على الاقل ساعة الا ربع تاني وقبل متدخل الفرن نمسح على الوجه "لبن وعليه رشة قهوة سريعة الذوبان" وحبه البركه او سمسم واول متخرج من الفرن نمسح على وجهها ب مياه ونغطيها بفوطه عشان تكون طريه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد