→ كل الوصفات

ميني برغر

#رمضان_مع_الحراير

  • كاس ماء دافئ
  • ملعقة سكر
  • ملعقة خميرة
  • ملعقة حليب جاف
  • ¼ كاس زيت
  • فرينة
  • ملعقة صغيرة خميرة كميائية
  • حبة بيض
  • ملح
  • صدر دجاج
  • ملح
  • توابل (فلفل اسود واحمر،كمون، زنجبيل، كصبر)
  • اوراق سلطة
  • طماطم
  • جبن طري
  • مايونيز
  1. نحط الماء الدافئ والخميرة والسكر ونخليهم خمس دقائق حتى يتفاعلو ثم نضيف بياض البيض والزيت ونحط الفرينة والخميرة الكميائية والملح والحليب الجاف حتى نتحصل على عجينة طرية ندلكها حوالي عشر دقائق ثم نغطيها ونخليها تختمر حتى يتضاعف حجمها ثم نقسمها الى كريات متقايسة حوالي 30غ ونكورها جيدا ونحطها في بلاط وندهن الوجه بصفار البيض ونخليها حوالي ربع ساعة حتى تخمر
  2. ندخل الخبز يطيب في فرن ساخن على درجة حرارة متوسطة ونخليه يطيب ونحمرو من فوق ثم نخليه يبرد ونقسمو الى قسمين
  3. نرحي صدر الدجاج ونتبلو ونحط الملح ثم نشكل قريصات ونطيبهم في مقلاة ثقيلة حتى يتحمرو ثم نحط الجبن الطري في الجزء السفلي للبرغر ثم نحط ورقة سلطة ثم قطعة طماطم ثم نحط قرصة الدجاج ثم المايوناز (الحشو حسب الرغبة) ونغلق بالقطعة الاخرى للخبز
  4. ويقدم بالصحة والهنا
عجبتك الوصفة؟
شوف كل وصفاتنا في مكان واحد
كل الوصفات →