→ كل الوصفات

ميني بيتزاااااا🤤😍❤️

وصفة سهلة وسريعة وكل مكوناتها موجودة في البيت تنفع فطار وتنفع غدا سريع وتنفع كمان للانش بوكس في المدارس ومحبوبة للاطفال والكبار ❤️

  • للعجينة
  • 2 كوب ماء دافي
  • 2 ظرف خميرة فورية او ما يعادل معلقتين كبار
  • 4 معالق سكر
  • 1/2 كوب زيت
  • 3 معالق لبن بودر
  • معلقة صغيرة ملح
  • ظرف بيكنج بودر او ما يعادل ملعقة كبيرة
  • 6 اكواب دقيق
  • للصلصة
  • عصير طماطم
  • ثوم مفروم
  • زيت زيتون
  • ملح وفلفل اسود
  • ثوم وبصل بودر
  • زعتر
  • معلقتين كبار كاتشب
  • التوبينج حسب الرغبة بس ممكن
  • لانشون او بيف او بسطرمة او فراخ
  • جبنة موتزاريلا او رومي مبشور
  • فلفل الوان او عادي او طماطم او زيتون
  1. في بولة نضيف الماء الدافي والسكر والخميرة ونغطيها نسيبها تختمر
  2. نضيف غليط الخميرة في العجان او بولة عميقة ونضيف المكونات الجافة والدقيق ونعطن لحد ما تتكون عجينة ناعمة وبتلزق بسيط
  3. في بولة نضيفه ندهنا زيت وننقل العجينة فيها ونغطيها ونسيبها في مكان دافي تختمر لمده ٤٠ دقيقة او ساعة وممكن اكتر
  4. نقسم العجينة على حسب ما نعرف نفردها بسمك معقول ولا تخين ولا رفيع ونقطعها باي حاجة مج او قطاعات العجين ونرصها في الصواني
  5. الصلصة بنحط كل مكوناتها مع بعض ونسيبها تتسبك كويس ونتحكم في الطعم بالبهارات حسب الرغبة
  6. ندهن وجه قطع البيتزا بالصلصة ونضيف بقى اللي عايزينه اي اختيار
  7. تدخل فرن مسخن مسبقا على درجه حرارة ٢٢٠ لحد ما تأخذ لون ذهبي من تحت ونرفع وجهها على الشواية لحد ما تأخذ لون والجبنه تسيح
  8. تخرج من الفرن نغطيها علشان متنشفش وبعدن بقى نقدمها وبألف هنا❤️❤️ ما شاء الله اللهم بارك عملت معايا ٥٤ قطعة ❤️
  9. ملحوظة لو عاوزيين نخزنها وهي بعد السوا نحط في اطباق فل الكمية اللي عايزينها وفي كيس او استرتش راب ونلف وتتحط في الفريزر ونطلعها تفك وتسخن وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →