→ كل الوصفات

ميني بيتزا الطاسه السريعه 😋💓

في الجو الحر دا فكرت إنك تشغلي الفرن دي حاجة صعبة وبتستغرق تفكييييير طويل🤔 طب لو الولاد عايزين بيتزا نعمل إيه نعمل ميني بيتزا الطاسة السريعه في 10 دقائق هتكوني مخلصه أحلى ميني بيتزا يالا جربيها وفرحي اولادك🤩

  • 1 كوب دقيق
  • 1/2 كوب ماء
  • 1/2 كوب لبن حليب
  • 1 ملعقة صغيره بيكنج بودر
  • 1/4 ملعقة صغيرة ملح
  • 1/4 ملعقة صغيرة سكر
  • 1 ملعقة كبيرة زيت
  • للحشوه نحتاج
  • كميه من البسطرمة
  • كمية من الجبنه الرومي
  • كميه من الفلفل الألوان
  • كمية من الجبنه الموتزاريلا لو متوفر عندك
  • كاتشب لدهان البيتزا
  1. في الكبة حوطي اللبن والماء والدقيق والسكر والملح والزيت والبيكنج بودر وأخلطيهم مع بعض كويس 😍
  2. جيبي طاسه تيفال غير لاصقه وأدهنيها حبة زيت وحوطي مقدار من العجينه كمية قد مقدار القطايف كدة ووزعي على قد الطاسه ولما تتحمر شويه من تحت وتعمل فقاعات من فوق اقلبي العجينه😍
  3. حضري الحشوة جنبك وهدى النار عليها وبعد كده أدهني العجينه من فوق بالكاتشب ووزعي عليها البسطرمة والجبن والفلفل الألوان وممكن تحوطي زيتون براحتك الحشوه إللي تفضليها وبعدين غطي الطاسة حوالي دقيقتين وبعدين طلعي البيتزا من الطاسة😍
  4. خلصي بئا كل كمية العجين الكميه دي هتعمل 10 ميني بيتزا لو عايزه اكتر ضعفي المقادير😍
  5. بجد من أسهل وصفات البيتزا إللي ممكن تعمليها جربيها هتعجبك جداً وطبعاً هتعجب الولاد جداً جداً🤩 وبالعافيه عليكى حبيبتي 😘❤️💞🌹
  6. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →