→ كل الوصفات
#التحدي_البرونزي #فريق_الأمل اختراع جامد جدا وسريع كمان مش هياخد وقت خااااالص. حلو اوي للولاد في المدرسه او الحضانه ممكن ياخذوها كنوع من التغيير.
المقادير
- ½ كيلو قطايف
- صلصه البيتزا
- اي حشو متاح عندك حسب الرغبه
- جبنه متزاريلا للوش
طريقة التحضير
- جبت حوالي نصف كيلو قطائف
- رصيتهم في صينيه وبعدين بالفرشاه حطيت كاتشب او صلصه البيتزا
- بتحطي اي حشو متاح عندك انا ولادي للاسف مش بيحبو الزيتون او الفلفل او اي اضافات علي البيتزا عشان كدا عملتها بجبنه رومي مبشوره ولانشون ومتزاريلا بس. لكن انتي ممكن تضيفي اي حشو تحبيه
- ضعي الميني بيتزا في صينيه مدهونه زيت خفيف ودخليها فرن ساخن لمده خمس دقائق وبعدين خرجيها وضعي المتزاريلا علي الوش ودخليها تاني لحد ما المتزاريلا تسيح وتاخد وش وبعدين تتقدم. ممكن لو هتحطيها للولاد في الانش بوكس عشان ياخدوها المدرسه سبيها تبرد واول ما تبرد دخليها الفريزر واول ما تصحي الصبح خرجيها من الفريزر وسبيها شويه هتفك وكانك لسه عملها وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد