→ كل الوصفات

ميني بيتزا بدون فرن

هقولك ع طريقه ميني بيتزا سهله و من غير فرن ولو عايزة تحطيها ف الفرن هقولك بردو هتعملي ايه #اكلات_هنيه #بيتزا #وصفات_بالخضار #معجنات #الشيف_الذهبي

  • 1/2 كوب حليب دافي
  • 2 م ص خميره
  • 2 م ص سكر
  • 2 كوب دقيق قابل للزياده ع حسب الحاجة
  • 1/2 م ص ملح
  • 2 م ك زيت
  • صوص بيتزا
  • ميكس جبن شيدر وموزاريلا
  • م ص زعتر
  • خضار مشكلة مقطعة قطع صغيره او مفرومة:
  • 2 بصل
  • 4 حبات طماطم
  • 2 حبات فلفل رومي
  • زيتون
  • للحشو براحتك
  • سوسيس
  • جمبري صغير
  • لحمه مفرومه معصجه اي حاجه تحبيها
  1. هنجيب بوله نحط فيها حليب الدافي و الخميرة والسكر وندوبهم كويس ونغطيها ونسيبها تتفاعل لمده ١٠ دقائق
  2. بعد تفاعل هنحط الدقيق والملح والزيت عليها ونخلطهم كويس ونعجن لحد ما العجينه تتماسك وتبقى ملساء تماما اعجني كتير وكويس وبعد كده تكوري العجينه ف ايديكي وتدهني وشها بزيت خفيف ونحطها ف بوله ونغطيها بنايلون ف مكان دافي تتخمر نص ساعه
  3. وبعد تخمير نعجنها شويه ع رخامه ونلفها زي سويسرول ونقطعها لكور كتير وناخد كل كوره نفردها ويكون سمك العجينه لا هو رقيق اوي ولا سميك وبعدين نقطعها ع شكل دواير بالقطاعات ونجيب شوكه نخرم العجينه بيها ونعمل باقي العجينه بنفس طريقه
  4. نجيب طاسه غير مدهونه نحطها ع نار وناخد الميني بيتزا نحمرها من الجانبين تاخد لون مدهب شويه وتتاكدي انها استوت
  5. نطلعها ع جنب ونحط صوص والجبن والخضار ولو عايزة تحطي حشوة براحتك وحطي جبن تاني ورشه زعتر
  6. هترجعي الميني بيتزا للطاسه تاني وتغطي طاسه لحد ما الجبنه تسيح وتلاقيها استوت كل ده ع نار هاديه هتاخد منك ٥ دقايق ودي طريقه بدون فرن
  7. عايزه تحطيها ف الفرن يبقى اكيد بعد ماتحطي الجبن والخضار والزعتر للميني بيتزا هتحطيها ف صينيه خبز مدهونه خفيف او محطوط عليها ورق زبده وتدخليها الفرن متولع من فوق بس الجبنه تسيح وتطلعيها وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →