→ كل الوصفات

ميني بيتزا بعجينه هشه وطريه 🍕👌

عجينه طريه وهشه👌حتي لو حفظتيها لتاني يوم كمان 😋

  • 3 كوب معياري دقيق
  • كيس لبن بودر نيدو
  • معلقة صغيره ملح
  • علبة زبادي عاديه
  • معلقه كبيره خميره فوريه
  • 2 معلقه كبيره سكر
  • 3 معالق زيت
  • مياه دافيه للعجن
  • 2 معلقه كبيره معجون طماطم
  • 1 معلقة كبيره كاتشب
  • زعتر
  • توم وبصل بودر
  • سوسيس
  • لانشون
  • جبنه رومي
  • 2 حبات فلفل رومي مقطع صغير
  • 3 حبات طماطم مقطعه صغير
  • زيتون مخلي
  • جبنه شيدر
  • جبنه موتزاريلا
  1. بحضر عجينه البيتزا (منزلها عندي في وصفه لوحدها) وطريقتها اول حاجه بنحط الخميره مع السكر وندوبهم مع معلقتين مياه ونسيبهم يخمرو على جنب
  2. بنجيب الدقيق ونحط عليه الملح واللبن البودرة والزبادي ونخلطهم وننزل بالخميره عليهم ونقلب ونلم العجين بميه دافيه شويه شويه لحد ما تلم ونعجن لمده ١٠ دقائق كويس جدا
  3. وبعدها ننزل بالزيت ونعجن تاني كويس لحد ما يكون قوام العجينه زي الملبن في ايدنا ومش بتلزق وبعدها نسيبها في طبق ونخطيها بسترتش راب ونتركها ساعة تختمر وتعلي وتكون جاهزه نقطعها كور ونفردها بالنشابه مع رشه دقيق (ويكون سمك العجينه مش رفيع) وممكن نحضرها من قبلها بيوم ونحفظها في الفريزر
  4. ونقطعها دواير بالقطاعه او كوبايه بالحجم المناسب ليكي وبعدها نضغط بظهر كوبايه صغيره في نص العجينه علشان يبقي سهل نحط في النص الحشو ونجيب صاج يكون ممسوح زيت ونضع دواير البيتزا الصغيره بالصاج (وممكن نعملها بالشوكه من الحروف علشان متنفش وتفضل حروفها رفيعه زي ما تحبو)
  5. وندهن بالفرشه صلصله البيتزا السريعه وبعدها نضع السوسيس (قطعته شرايح رفيعه وجبت طاسه فيها شويه زيت صغيرين وشوحتهم وعليهم رشه بسيطه ملح وفلفل اسود) او الانشون او جبنه رومي او الحشو اللي يعجبك وبعدها فلفل رومي وطماطم مقطع صغير وزيتون وجبنه شيدر وجبنه موتزريلا
  6. وتدخل فرن سابق التسخين علي درجه حراره ٢١٠ لمده ٥ دقايق او اقل (درجه الحراره عاليه علشان تستوي وتفضل طريه وهشه ومش تنشف منك😉) وبعدها نشغل الشوايه تاخد وش جميل ونطلعها تتهوي وبعدها نحطها في اطباق فويل ونغلفها بسترتش راب او تقدم مع كاتشب يمي يمي كانت هشه والعجينه طريه مش ناشفه خالص وكلت منها تاني يوم وكانت زي ماهي ما شاء الله والف هنا 😋
عجبتك الوصفة؟
شوف كل وصفاتنا في مكان واحد
كل الوصفات →