→ كل الوصفات
#ابدع_واقتصد ميني بيتزا بعجينة البيتزا المميزة بتاعتي لذيذة جدا وشهية ♥️ هشة جدا تنفع مقبلات بجانب الطبق الرئيسي و الصوصات او طبق رئيسي على حسب الذوق الشخصي ♥️ والمرة دي كانت بالنسبالي مقبلات مع الطبق الرئيسي اللي عملتة وهنزلة هنا بأمر الله جربوها بطريقتي هتعجبكم بأمر الله و اقتصادية وبمكونات من البيت 👍
المقادير
- 4 كوب دقيق منخول مع 1 م ص بيكنج بودر =500 جرام
- 2 م ص خميرة
- 2 م ك زبادي
- 2 م ك مايونيز لو متوفر
- 2 م ك سكر
- 2 م ك زيت
- 3/4 م ص ملح
- ½ م ص زعتر
- ½ م ص بردقوش (أختياري) بس بيدي طعم وهمي ليها
- 1 م ك ذبدة
- ماء للعجن
- صلصلة بيتزا 🍕 نزلت طريقتين ليها هنا ابقوا شوفوها 👌
- خضار مكعبات المتوفر
- زيتون
- بسطرمة
- تركي مدخن
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ♥️
- في بولة نضيف الماء الدافي حوالي كوب ثم نضيف الخميرة و السكر و بقية المكونات معادا الذبدة و نقلب جيدا
- نضيف الدقيق بالتدريج ونعجن كويس جدا ولما تتعجن حلو نضيف الذبدة و نعجن تاني ودة سر طراوتها وهشاشتها في نفس الوقت 😋
- نتركها تخمر ويتضاعف الحجم ثم نهبطها ونتركها تخمر تاني نص ساعة ودي خطوة اختياري بس سر من أسرار نجاح البيتزا بتاعتي 😋 😉
- نفردها بالنشابة و بالقطاعة المناسبة اعمل الميني بيتزا وارصها في صينية مدهونة زيت وعليها رشة دقيق او سميد واتركها ترتاح ٥ دقايق وادهن الوش صلصلة واحط مكوناتي من الخضار والزيتون و البسطرمة ثم رشة دقيق بسيطة اوي كانك بترشي ملح بتساعد على أن المكونات تتماسك علي وش العجينة ولو في اي سوائل نزلت من الخضار تمتصها والمكونات متفصلش عن العجينة ومش بتبان خالص يارب تكونوا فهمتو قصدي 🤲😂 ودي خطوة اختياري بس مهمة بالنسبالي
- ادخلها على فرن حامي على الصاج مباشرة بتاع الفرن من ٤ ل ٥ دقايق بالظبط (تاخد لون دهبي اشقر) ثم اطلعها احط الجبنة الموتزاريلا وادخلها تاني دقيقتين على الرف الأوسط تسيح واطلعها وتقدم بالف هنا وعافية يارب ❤️
- ملحوظة 🤓 ١- بندخلها على حرارة عالية عشان متنشفش مني وتقرمش فمش هقدر احددلك حرارة لان كل فرن مختلف عن التاني المهم ان مدة التسوية تكون خلال ٧ دقايق والا هتنشف لان حجمها صغير.. ٢ - رشة الدقيق فوق المكونات اختياري.. ٣- ممكن تستخدمي السميد في فردها و رش الصينية اللي هتخبز فية ودة بيخلي قعهرها مقرمش ♥️
- أخيرا اللهم أغفر لجدتي وأجعلها من أهل الفردوس الأعلى من الجنة يارب ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد