→ كل الوصفات

ميني بيتزا 🍕

#samna_kitchen

  • 2 كوب دقيق بيتزا او متعدد الاستخدامات
  • 2 معلقه كبيره زيت زيتون او زيت عادي لكن الأفضل زيت زيتون
  • عبوه زبادي صغيره
  • معلقه صغيره بيكنج بودر
  • معلقه صغيره خميره
  • معلقه كبيره سكر
  • رشه ملح
  • صوص بيتزا
  • طماطم مقطعه خاليه من البذر
  • زيتون
  • جبن مشكله حسب الرغبه
  1. هنحضر الدقيق في طبق عجن غويط ونحط عليه الملح والبيكنج بودر. هنختبر معلقه الخميره في نص كوب ماء دافئ مع معلقه السكر ونقلب ونغطيها 5 دقايق. هنضيف معلقتين زيت زيتون على الدقيق ونقلبهم. هنضيف خليط الخميره على الدقيق ونقلبهم كويس وننزل بالماء الدافئ شويه بشويه ونعجن لحد ما العجينه تتلم معانا كويس ونستمر في العجن مده لا تقل عن 10 الي 15 دقيقه باليد.. و5 الي 7 دقايق بالعجان الكهربائي. العجن الكتير لعجينه البيتزا بيفرق كتير في نجاحها
  2. هندهن العجينه من بره زيت زيتون بسيط وهنسيب العجينه تخمر لمده ساعه. هنفرد العجينه وقطعها دواير حسب الرغبه. هنحط صوص بيتزا على الوش وبعده نحط شريحه طماطم مقطعه خاليه من البذر وزيتون وجبن مشكله حسب الرغبه
  3. تدخل البيتزا فرن ساخن مسبقا على حراره 180 درجه لحد ما تاخد لون حلو من تحت ونفتح عليها الشوايه اخر دقيقه بس تاخد لون.. حسب طبيعه فرنك.. بس كدا 🌷
عجبتك الوصفة؟
شوف كل وصفاتنا في مكان واحد
كل الوصفات →