→ كل الوصفات
مناسبة للانش بوكس واعياد الميلاد والرحلات
المقادير
- 3 كوب ونص دقيق
- ذرة ملح
- 2 معلقة لبن بودرة كبيرة
- ½ كوب لبن دافئ
- ½ كوب ماء دافىء
- معلقتين زبادي كبار
- معلقتين سكر كبار
- كيس خميرة فورى
- ¼ كوب زيت زيتون
- كوب صلصلة طماطم فريش
- معلقتين كبار معجون صلصة
- مكعب مرقة
- معلقة كبيرة زعتر سوري بالسمسم
- رشة زعتر ناشف
- زيتون حلقات
- قطع صغيرة طماطم
- فلفل كوبي مقطع صغير
- جبنة موتزاريلا
طريقة التحضير
- نحط السكر والخميرة واللبن الدفى والماية مع بعض ونقلبهم كويس ونغطيهم لحد ما الخميرة تشتغل وتعلى
- ننخل الدقيق مع الملح واللبن البودر ونضيف عليهم الزيت والخميرة ومعلقتين الزبادي ونعجن كويس لحد ما تلم هتبقى عجينة طرية وتلزق بسيط
- نغطيها ونسيبها تختمر لمدة ساعة ف مكان دافئ لحد ما تتضاعف حجمها
- هنجهز الصلصة نحط كل المكونات مع بعض واول ما تغلى نطفى عليها ونسيبها تهدى
- نفرد العجينة بسمك حوالي نص سم وكوب أو قطاعه مدورة نعملها دوائر صغيرة وندهنها بالصلصة ونحط عليها التوبينج والموتزاريلا
- ندخلها فرن ساخن على ١٨٠ ونسيبها ربع ساعة لحد ما تستوي من غير ما تنشف نطلعها نهويها ونغطيها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد