→ كل الوصفات
ميني بيتزا طعمها رائع ، تقدروا تاكلوها في الفطار او العشا او حتى تحطوها في اللانش بوكس للمدارس #روتين_المدرسة
المقادير
- 3 اكواب و ربع دقيق
- 1 كوب ماء دافئ
- 3 ملاعق كبيرة حليب بودرة
- 2 معلقة كبيرة زبادي
- 2 معلقة كبيرة زبدة او ربع كوب زيت
- 1 معلقة صغيرة بيكينج باودر
- 1 معلقة صغيرة خميرة
- 2 معلقة كبيرة سكر
- 1 معلقة صغيرة ملح
طريقة التحضير
- في كوب، حطي الخميرة والماء الدافئ والسكر، وقلّبيهم كويس، وبعدها غطي الكوب وسيبيه لمدة 10 دقايق
- في بولة، حطي خليط الخميرة مع الدقيق وباقي المكونات
- اعجني كويس لمدة 10 دقايق لحد ما العجينة تتلم وتبقى ناعمة ومتجانسة، ومن غير ما تضيفي دقيق أو زيت أثناء العجن
- حطي العجينة في بولة مدهونة بزيت، وادهني وش العجينة بشوية زيت، وغطيها وسيبيها تتخمر لمدة ساعة (60 دقيقة)
- بعد ما العجينة تخمر، رشي شوية دقيق على المكان اللي هتفردي عليه، وحطي رشة دقيق بسيطة على العجينة، وافرديها لحد ما تبقى رفيعة
- استخدمي كوب أو قطّاعة دائرية لتقطيع العجينة لدوائر صغيرة
- خدي باقي العجينة وافرديها تاني، وقطعيها بنفس الطريقة، وكرري الخطوات لحد ما العجينة تخلص
- ادهني كل قطعة بصلصة طماطم مخصصة للبيتزا، وحطي عليها جبنة موتزاريلا وأي مكونات تحبوها. 🍅🧀
- دخلي الميني بيتزا فرن متسخن مسبقًا على درجة حرارة 220°، وسيبيها تقريبًا 12 دقيقة أو لحد ما تستوي وتتحمر من الأطراف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد