→ كل الوصفات
ب4كوب دقيق عملت 35ميني ساندوتش محشي 🥰😍💪
المقادير
- 4 كوب دقيق منخول
- خميرة فوريه
- معلقه ملح صغيرة
- كوب وربع لبن دافي
- معلقتين سكر صغيرة
- 3 مكعب زبدة
- اي جبنة موجودة عندك مثلا جبنة بيضة ناشفة أو جبنة مثلثات أو اي نوع
- زيتون وموتزريلا اختياري
- حبة البركه أو سمسم
طريقة التحضير
- طريقة العجينة نحط ف بوله غويطه الخميرة واللبن والسكر ونقلب كويس وبعدين نحط الدقيق والملح ونعجن كويس ونلم العجين وبعدين نحط ف نص العجينة الزبدة ونعجن كويس هنلاقي أن العجينة بتتقطع بس عادي مع العجن هتتلم اعجني كويس جداً لحد م تلم معاكي وتكون طريه
- نحط العجين ف بوله مدهونة زيت خفيف ونسبها تختمر ساعة
- بعد م تختمر هنقسمها كور صغيرة ونرصهم ف صينية مدهونة زيت خفيف
- بعد م نقسمهم ندهن وجه العجين زيت خفيف عشان مش ينشف ونغطيهم واحنا بنشتغل فيهم
- نأخذ كورة ونحط فيها الجبنة اللي متوفرة جبنة مثلثات أو تركي أو موتزاريلا وزيتون مخلي اي نوع جبنة مش سائل
- نحشي العجين ونقفل كويس ونرصهم ف الصاج هيبقي حجمهم قد الصوباع هتحسي أنهم صغيرين بس هيخمرو تاني وحجمهم هيكبر
- بعد م نخلص كل العجين ب نفس الطريقه هنغطيهم ب اي قماشه نضيفه لمدة ربع ساعة
- بعدين نرش الوجه ب اللبن ونزين ب حبةالبركه أو السمسم
- وتدخل الفرن على 180درجه لمدة عشر دقائق سوي من تحت ونشغل عليهم الشوايه خمس دقائق ياخدو لون واول ميطلع الصاج نرشه ب بخاخ ماء ونغطيه عشان مش ينشف وبس كدا الف صحة وهنا 😍❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد