→ كل الوصفات
#وصفات جزائرية 🇩🇿 🇩🇿 🇩🇿 #وصفات ام يارا 🇩🇿 #طيابي اليوم #اضفت _لمستي الحشو على طريقتي اقتصادي وزاكي تخرج 14 حبة
المقادير
- 02 كيسان فرينة =250غ
- 125 غ مارغرين طرية
- حبة بيض كاملة 🥚
- ملعقة صغيرة ممسوحة ملح
- 1/4 ملعقة صغيرة خميرة كيميائية
- 03 ربطات سلق
- حبة بصل حجم كبير 🌰
- 10 قطع جبن 🧀 🧀 مثلثات
- 1/2 صدر دجاج
- ملعقة صغيرة ملح
- ملعقة صغيرة فلفل أسود
- ملعقة صغيرة كاري
- 02 ملاعق كبار زيت
- كريمة سائلة
- جبن مبشور 🧀
- زيتون اسود
طريقة التحضير
- نحط في إناء 02 كيسان فرينة مغربل نزيد 125غ مارغرين طرية ونزيد ملعقة صغيرة ملح ما تكثروش ونبدأ نبسس الفرينة نبدأ ندخل في المارغارين بواسطة الأصابع فقط
- من بعد نضيفلو ربع ملعقة صغيرة خميرة كيميائية ونزيد حبة بيض كاملة 🥚 كبيرة الحجم حتى نتحصل على عجينة طرية جداً ونغطيها بكيس بلاستيكي أو سيلوفان ونخليها ترتاح لمدة نص ساعة
- نضع في صينية لمول صغار وندهنها شوية زبدة ونرش عليها فرينة
- نحكم العجينة ونقطع إلى قطع ونشد كل قطعة و نعملها على شكل كرية ونبسطها مليح على كفتةاليد ومن بعد نحطها في المول صغار ونبدأ نمشي فيها هنا نديرو عجينة رقيقة ماشي خشينة ونحو زوائد من العجينة ونكمل نملأء القوالب صغار نفس الطريقة
- من بعد نثقبها بالفرشيطة (الشوكة) باش ما ينتفخوش بزاف (كثير)
- نحط القوالب صغار في سنيوة (صينية) وندخلها للمجمد ونخليهم لمدة ساعة أو أكثر أو ليلية كاملة
- بعد مرور ساعة نحطو في الفرن 🔥 كنت شعلتو من قبل على درجة الحرارة 160د رجة نشعلهم من تحت نطيبهم نص طياب ما طيبوهومش مليح غير تبدأ العجينة تنشف نطفي من تحت و نعاود نشعلهم من فوق غير تبدأ العجينة تنشف من فوق نخرجها من الفرن 🔥
- نخلو العجينة تنشف فقط ما نحمروهاش إذا حسيت العجينة تفخت اضغطو عليها من الجوانب وحاولوا هبطوها
- لتحضير الحشو نغسل السلق جيداً ثم نقطعو ونحطو في القدر فيه قليل من الماء مع ملعقة صغيرة من الملح كي يطيب نصفيه ونعصرو بالملعقة ونخليه يقطر في كسكاس من بعد نضع قليل من زيت ثم نضع حبة بصل 🌰حجم كبير مقطع الي قطع صغيرة ونخليه حتى يذبال ثم نضيف نص صدر دجاج مقطع إلى قطع صغيرة و نزيد نضع التوابل ملعقة صغيرة ملح وملعقة صغيرة فلفل أسود وملعقة صغيرة كاري كي ينضج الدجاج نضيف السلق لي طيبتو من قبل ثم ونزيد اي نوع من الجبن 🧀 ونزيد كريمة سائلة ونضيف جبن مبشور ونمزج المكونات مع بعض ثم نطفي عليه
- ونبدأ نعمر في القوالب صغار ثم نضع على الوجه جبن مبشور 🧀 ونزينو بزيتون أسود
- من بعد ندخلو للفرن 🔥 لي كنت شعلتو من قبل على درجة الحرارة 160د نشعلو من تحت غير يتحمر الحواف نفهم بلي طابو من تحت من بعد نطفي من تحت ونشعل من فوق غير شوية حق ما فروماج (جبن 🧀) يتحمر
- من بعد نحي القوالب ونضعه في صحن تقديم
- بصحة والعافية 😋 😋 😋 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد