→ كل الوصفات

ميني مطلوع بحشوة الفاهيتا

#أكلات_سريعة سندويش مكسيكي الأصل ،لكن ثم تعديله بلمسة جزائرية، خدمتو بمطلوع بدقيق القمح الكامل

  • للعجين
  • 3 كيلات فرينة
  • كيلة دقيق القمح الكامل
  • م ك خميرة خبز
  • ماء دافئ للعجن
  • حشو الفاهيتا
  • صدر دجاجة كامل
  • حبتين بصل
  • حبتين فلفل اخضر
  • م ك ياغورت طبيعي
  • م ك مايونيز
  • توابل الدجاج
  • كركم
  • زنجبيل
  • كاري
  • م ص موتارد (خردل)
  • الصوص المرافقة
  • م ك ياغورت طبيعي
  • م ك مايونيز
  • م ك جبن طري
  • م ص هريسة
  • جبن مبشور
  1. نحط الفرينة مع الدقيق والخميرة ونجمع بالماء الدافى نزيد الملح ونعجن نخليها عجينة طرية، نقرصها كور صغيرة، ثم نبسطها باليد ونرش سميد رطب عليها ونحطها تختمر، بعد ما تختمر ندخلها للكوشة تطيب اي تستوي
  2. نقطع البصل جوانح ونقليه مليح، نزيد الفلفل نقطعو طويل ونقليه هو تان بشوي زيت وملح وفلفل اسود والدجاج تان نقطعو نفس الشكل مع الفلفل ونتبلو بالتوابل والموتارد والمايونيز ونخليه يتشرب مليح ثم نقليه
  3. نخلط الياغورت الطبيعي والمايونيز والجبن والهريسة مع بعض، وندهن المطلوع ثم نحشيه بحشو ابفاهيتا، نزيد الجبن المبشور ونحطها في البانينوز، ويمكن وضعها على الطاجين سخون فقط مع الضغط بحاجة ثقيلة
عجبتك الوصفة؟
شوف كل وصفاتنا في مكان واحد
كل الوصفات →