→ كل الوصفات

ميني همبرغر

#تحدي_يوميات_رمضان

  • كاس غير ربع حليب دافي
  • مغرفة كبيرة ممسوحة سكر
  • مغرفة كبيرة ممسوحة خميرة
  • زوج كيسان فرينة
  • ملح
  • مغرفة كبيرة زبدة
  • كمية لحم مفروم
  • مغرفة كبيرة خبز يابس مرحي
  • شوي ملح
  • شوي فلفل اسود
  • 4 سنينات ثوم
  • زوج مغارف كبار بصلة
  • مغرفة كبيرة زبدة
  • فرماج همبرغر
  • مايوناز
  • شوي زيتون وشوي فرماج وكاشير
  1. بعد بسم الله في طبسي نحط الحليب والسكر والخميرة ونخلط مليح ونزيد الفرينة والملح ونلم اذا متتلمش نزيد ربع كاس حليب ونلمها مليح ونزيد مغرفة كبيرة زبدة وندخلها مليح في العجينة ونخليها تخمر
  2. نجيب لحم مفروم ونديرلو لبصل وثوم وملح وفلفل اسود والزبدة والخبز ونخلط كلشي مع بعضاه مليح ونشكلو كريات ونبسطو بيدي ونجيب مقلة ونحط فيها شوي زيت وزبدة ونقليهم ونحطهم على جنب ونزيد عليهم فرماج تاع الهمبرغر ونحطهم في بانينورز باه يشوب شوي هذي طريقة اختيارية
  3. نشكل لعجينة نتاعي كريات حجمها حوالي 43 غ ونحطها في بلاطو فيه ورق طبخ ونبسطهم شوي بيدي ونخليهم يخمرو كي يخمرو ندهنهم بالبيض ونديرلهم سينوج ونحطهم يطيبو من تحت للفوق
  4. نجيب الخبز تاعي نقسمو على زوج ونديرلو مايوناز والكفتة والفرماج ونغلق ونزينو كيما تحب ونكمل كامل الحبات ونقدمهم وشهية طيبة 😋
عجبتك الوصفة؟
شوف كل وصفاتنا في مكان واحد
كل الوصفات →