→ كل الوصفات
#المريول_العالمي هنا استخدمت البقسماط ك مكون هو وجبنة موزاريلا الوصفة سهلة جداً وهتعجبكم جداً بإذن الله ❤️ وصفة صحية إذا اتقلت في air fryer أو اتخبزت في الفرن
المقادير
- 1 ك بانيه
- 1 بصل متوسط
- 2 فص ثوم
- 2 فلفل رومي
- 1 م ص ملح وفلفل أسود (حسب الرغبة)
- 1 م ص بهارات فراخ
- كوب بقسماط
- 1/2 كوب جبنة موزاريلا مبشور (قابل للزياده او نقصان على حسب حجم ناجتس)
- كوب دقيق
- كوب لبن
- 1 بيضة
- 1/2 كوب كورن فليكس مطحون خشن
طريقة التحضير
- نفرم البانيه مع البصل وثوم والفلفل الرومي فرم جامد في الكبة
- نحطهم في بولة ونحط الملح والفلفل والبهارات و نحط كمية صغيرة من البقسماط والدقيق و نخلطهم سوا و نحط اللبن على الخليط ونخلطهم سوا لحد ما اللبن يختفي في الفراخ وما تقلقيش لو حسيتي أن اللبن زيادة في الاول بس الفراخ هتمصه بسرعة
- وكورت عجينه الفراخ ومسكت كوره كوره وبقيت احشيها بالجبنة الموزاريلا واقفل مكان الحشوة واشكلها بايدي شكل ناجتس
- نحطهم على ورق زبدة في صينية ونحطهم في الفريزر على الأقل نص ساعة
- نكون مجهزين في بولة لبن وبيض وبولة دقيق وبولة كورن فليكس مطحون خشن مش ناعم و نحط الفراخ في الدقيق وبعد كدة البيض وبعد الكورن فليكس و في زيت ساخن نبدأ نحمر لحد ما يكون لونه ذهبي بس الاصح انه يتخبز في الفرن أو يتقلي في air fryer صحيا أفضل وبألف هنا ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد