→ كل الوصفات
#الشيف_الذهبي
المقادير
- كيلو صدور فراخ مخلي
- 6 فصوص ثوم
- 5 شرائح توست او رغيفين عيش بلدي
- مرقة
- توابل دجاج
- ملح
- فلفل
- بابريكا
- بقسماط
- دقيق
- بيضتين مخفوقين مع ربع كباية حليب وفلفل
طريقة التحضير
- قطعو الفراخ مكعبات صغيرة وشيلو حواف التوست وقطعوه صغير كمان ولو عيش عادي فقطعوه صغير برضه
- افرموا الفراخ والعيش والمرقة والثوم مع بعض مرتين
- بعد الفرم حطيوالتوابل والملح والفلفل والبابريكا واخلطوهم كويس مع بعض
- افردو المكونات على صينية او جوه صينية بس يكون تحتهم قصدير او نيلون او ورق زبدة عشان نعرف نطلعهم وافردوها بسمك 1 سم وحطوها في الفريزر ساعة
- قطعوها مكعبات او دواير او اشكال بقطاعة البسكويت لو عندكو اطفال انا عملت ٣٠ قطعة تقريبا
- جهزو البقسماط والدقيق والبيض وهتعملو معاها زي مابنعمل مع البانيه (بيض - دقيق - بيض - بقسماط) ولو عايزينو كرسبي اكتر نزلوه في البقسماط والبيض مرتين بعد الدقيق
- حمروهم وهيطلعوا اطعم من الجاهز بميت مرة وبالف هنا
- ملحوظة : ممكن يتخزن في الفريزر بس ادولهم تحميرة خمس دقائق وشيلوهم زي كده
- ملحوظة ٢ : ممكن نستخدم الناجتس في ساندوتشات الاطفال او كريب او بيتزا او حشو اي معجنات وطبعا مع المكرونة ❤❤❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد