→ كل الوصفات
طبق ناشف مع روبيان يقدم مع الرز الأبيض أو البراتا
المقادير
- 1 كيلو ونص روبيان مجمد
- 2 بصل مقطع مربعات ولللي يحب البصل يكون واضح يقطعه بالطول
- 4 طماطات وسط مضروبين بالخلاط
- 2 عودين من ورق الكاري
- 1 ملعقة طعام معجون الثوم
- 1 ملعقة طعام زنجبيل
- 4 قرون فلفل حار
- 2 ملعقتين طعام صلصل الطماط
- البهارات المستخدمة
- 1 ملعقة كبيره من بهارات السمك أو بهارات الروبيان
- 1 ملعقة صغيره بهارات مشكله وكركم وكزبره وكمون
- 1/4 ملعقة صغيره ليمون بودره.. وفلفل أسود وببريكا وفلفل أحمر
- 1 ملعقة طعام ملح
- 1/4 كاسة زيت للطبخ
طريقة التحضير
- أول شي اغسل الرز عدة مرات واخلي فيه ماء واتركه على جنب
- بعدها أغسل الروبيان جيدا واشيل الخيط الأسود من الظهر.. انا استخدمت نوعين من الروبيان صغير وكبير.. والكبير قطعته من الوسط سويته قطعتين
- بعد الغسيل أخليهم بماي وملح وخل أبيض لإزاله الزفرة واتركه على جنب
- بعدها أقطع بصلتين واجهز اوراق الكاري والفلفل الحراق والطماط اضربه بالخلاط مع شوية ماء
- هذا الثوم والزنجبيل اللي استخدمته فيكم تستخدمو الثوم الفرش بعطي نكهة مميزة
- بعدها أرجع أغسل الروبيان واتخلص من كل الشوائب والملح والخل منه أغسله مرتين فقط وأصفيه
- بعدها بتاوة كبيره أضع ربع كوب زيت وكميه البصل كلها مع ملعقة صغيره كمون حب
- على نار متوسطه وامكس
- بعدها أضع ربع ملعقة صغيره من الفلفل الأسود.. الفلفل الأسود والكمون الحب بساعدو على ازاله زفرة البصل
- بعدها أضع ورق الكاري وملعقة طعام كل من معجون ثوم وزنجبيل
- ونخلط المقادير ونغطي على الروبيان ٥ دقائق حتى تنزل ماء الروبيان وياخذ نكهة الثوم والبصل وأنزل قرون الفلفل الأخضر معاه
- وبين فتره وفتره نقلب على نار متوسطه لين ينزل كل الماء اللي فيه وراح يستوي الروبيان وينطبخ اصلا الروبيان مابياخذ وقت ١٥ دقيقة ويكون جاهز
- بعدها أنزل ملعقتين كبار من معجون صلصل الطماط واحمس لمدة دقيقتين عشان نتخلص من حموضة الصلصل
- بعدها أنزل جميع البهارات مع بعض من بهارات السمك وبهارات مشكله أو بهارات الروبيان وكركم وليمون بودره وكزبره وكمون وببريكا وفلفل أحمر
- بعدها أنزل بعصير الطماط اللي ضربته بالخلاط والقليل من الماء
- واتركه يطبخ ٧ دقايق
- واخر شي اضيف الملح والكزبره الفرش واتركه ١٠ دقايق واتركه يتسبك وتصير المرقة ثقيله... اللي حابه مرقه خفيفة يخلي ماي زياده
- بهذي الأثناء أطبخ الرز الأبيض
- هذا شكل الروبيان النهائي بعد ماتسبك
- أقدمه يا الرز الأبيض وبالعافيه يارب طبق اليوم ينال اعجابكم 🦋🦋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد