→ كل الوصفات

نجرسكو المطاعم 👌

🌼(اللهم صل على سيدنا محمد صلاة تنحل بها العقد وتنفك بها الكرب وتفتح لنا بها أبواب الفرج) 🌼 وصفة سهلة وسريعة ولذيذة فوق الوصف.. عملتها في عزومة وطلعت تحفة بفضل الله كريمي وسايحة وجوسي كدة تاخد العقل و البشاميل ناااعم وسايح 😋😋.. جربوها بطريقتي يارب تعجبكم

  • 500 جرام مكرونة بينا (اقلام)
  • 500 جرام صدور فراخ مخلية
  • 5 حبات فلفل رومي الوان او أخضر او مكس
  • 2 حبة بصل جوليان
  • 1 م ص ثوم مهروس
  • زيتون أخضر و اسود
  • 1/2 كوب جبنة رومي مبشورة
  • 1/2 كوب موتزاريلا للحشو
  • 1/2 كوب موتزاريلا او اكتر للوش
  • رشة بقسماط
  • البشاميل 👇
  • 5 م ك دقيق.. 4 م ك ذبدة.. 3 م ك زيت
  • 6 كوب لبن.. 1 كوب ماء سلق المكرونة
  • م ص ثوم مهروس (3 فصوص)
  • المنكهات 👇
  • 1/2 م ص فلفل ابيض.. نص م ص اوريجانو او زعتر
  • 1/2 م ص من الـ 7 بهارات. ملح.. رشة سكر
  • تتبيلة الفراخ المميزة 👌👇
  • 1 م ص بهارات فراخ
  • 3/4 م ص ملح
  • 1/2 م ص بابريكا
  • 1/2 م ص فلفل اسمر
  • 1/2 م ص زعتر
  • 1/4 من الـ7 بهارات و 1/4 حبهان
  • 1/2 م ص بهارات فراخ تضاف قرب السوا
  • عصير ليمونة.. م ك خل.. 2 م ك لبن
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️ نسلق المكرونة كالمعتاد ونظبط ملح السلق
  2. طريقة البشاميل 👈 في حلة نضع الذبدة والزيت ولما يسيحو نضيف الدقيق ونقلب كويس لحد ما ياخد اللون الدهبي ولازم يبقى الدقيق ناعم وسايح في الذبدة عشان ميكلكعش 👈 نضيف اللبن الساقع مع التقليب المستمر 👈 نضيف ماء سلق المكرونة 👈 نضيف الثوم المهروس ونقلب والمنكهات ونظبط الملح ولما يستوي ويغلي غلوتين ويظبط القوام نضيف نص كوب كريمة لو متوفرة
  3. في بولة يفضل نتبل شرايح الفراخ بالمنكهات الخاصة بيها و نضيف عليها اللبن ونتركها ساعتين عالاقل في التتبيلة او قبلها بليلة بحيث انها تستوي على طول ❤️
  4. طريقة الفراخ للحشو 👈 في طاسة ساخنة نضيف ٢ م ك ذبدة و فصين مستكة ولما يسيحو نضيف الفراخ تاخد صدمة ونضيف عصير الليمون عليها ولما تاخد الصدمة نضيف عليها البصل الجوليان و م ص ثوم مفروم ونقلب و نخليها تستوي ٣/٤ سوا وبعدين نص م ص من بهارات الفراخ و نضيف عليها الفلفل الجوليان الألوان او الأخضر او المكس يدبل شوية ونقلب.. لو بتحبية مستوى خالص نضيفة مع البصل 👌 👈 نظبط الملح ويكون مظبوط و نستعد لتطبيق الصينية
  5. 👈في قاع الصينية نضع كبشتين تلاتة بشاميل وننزل بنص كمية المكرونة ونقلبها في البشاميل كويس ونساويها 👈 نضع الفراخ ونساويها ثم نضيف الزيتون والجبنة وممكن نقلب الزيتون مع الفراخ بعد ما تستوي 👈 نضيف باقي المكرونة ونوزع باقي البشاميل عليها ونعمل فتحتات بالسكينة كدة عشان البشاميل ينزل لتحت ويغرق المكرونة 😋 👈 نضيف عالوش رشة بقسماط ناعم ودة أختياري (بيدي قرمشة للوش) ثم نضيف الجبنة المتوزاريلا
  6. ندخلها على فرن حامي ٢٢٠ مثلا ٢٠ دقيقة ولو مخدتش لون نفتح الشواية ملحوظة 🤓 مدة التسوية من ٢٠ ل ٣٠ دقيقة متزدتش عن كدة ابدا عشان البشاميل مينشفش وتبقى جوسي 😋 جربوها بطريقتي يارب تعجبكم ❤️
  7. أخيرا اللهم أغفر لجدتي وارحمها واسكنها فسيح جناتك يارب العالمين 🤲
عجبتك الوصفة؟
شوف كل وصفاتنا في مكان واحد
كل الوصفات →