→ كل الوصفات

نجرسكو باقل التكاليف اقل من 50 جنيه

اكل رخيص لاخر الشهر

  • كيلو مكرونة اسباكتى
  • 0.5 شاورمة (بانيه قطع)
  • ملح حسب الرغبة
  • فلفل
  • رشة كمون
  • بهارات
  • واحدة مرقة دجاج
  • 0.5 كبايه زيت
  • فلفل اخضر والوان
  • كبايه لبن
  • 3 ملاعق دقيق
  • 3 ملاعق سمنة
  • زيتون مخلى اسود
  1. هنجيب حله ونحط فيها الزيت والملح ونسبها تغلى وبعدين نحط فيها المكرونة لحد متستوى وياريت تكون الاسباجيتى كاملة من غير منكسرها عشان تبقى قطع واحدة اما نقطعها
  2. نجيب طاسه ونحط فيها الشاورمة وهى عبارة عن قطع بانيه اللى الراجل بتاع الفراخ اما بيقطع البانيه بيتبقى قطع صغيرة بيسموها شاورمة والكيلو بيبقى 15 جنيه بس هنشتريه بدل البانيه الغالى ونحط في الطاسه سمنة والفلفل ونسبهم ياخدة لون ونحط الشاورمة وكل البهارات لحد متستوى
  3. هنعمل البشاميل هنحط السمنة وعليها الدقيق وندوبه وعشان التكاليف هنحط عليه ماء سخنة حوالى كوبايتين وعليهم مرقة الدجاج مع استمرار التقليب ونضيف كبايه اللبن او لو في امكانيات يبقى هنحط لبن بس من غير ماء او شوربة لو في كله هيطلع حلو اهم حاجة القوام يبقى متماسك
  4. هنجيب بقى الصينيه بتاعت المكرونة ونحط شوية بشاميل الاول وبعدين شويه مكرونة نصها كدا وبعدين نحط الشاورمة ولو في جبنة موتزاريلا نحط وشويه زيتون اسود مخلى وفوقيها شويه المكرونة اللى باقيه وعليها البشاميل ونجيب بيضة ونحطها فوق الوش
  5. وندخلها الفرن نص ساعة من تحت ونطفيها ونشغل الشوايه ربع ساعة عشان تعمل لون من فوق
  6. ملحوظة لو عايزين نتقل البشاميل هنجيب ملعقة دقيق وندوبها في ماء سخنة ونضفها على البشاميل ونقلب عشان لو ضفنا الدقيق على طول هيتكلكع (يتكتل)
عجبتك الوصفة؟
شوف كل وصفاتنا في مكان واحد
كل الوصفات →