→ كل الوصفات

نجرسكو بالصويا صوص على طريقتي 👆👌

طريقة عمل نجرسكو بالصويا صوص على طريقتي 👆👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2/1 كيلو معكرونة أي نوع
  • 2/1 كيلو فراخ بانيه او اقل حسب الكمية المتوفرة
  • جبنة موتزاريلا
  • 2 فلفل رومي
  • 1 بصلة متوسطة
  • 1 طماطم متوسطة
  • تتبيلة االفراخ
  • بصلة مفرومة
  • ثوم بودرة
  • بابريكا
  • صويا صوص
  • ملح
  • فلفل اسود
  • زعتر
  • 6 معالق دقيق
  • 1 كيلو لبن
  • 2 مكعب مرقة
  • 1 معلقة زبدة
  1. هنتبل الفراخ في التتبيلة بتاعتها حوالي ساعة او اكتر
  2. بعد كدا هنجيب طاسة ونحط فيها ملعقة زبدة ونشوح فيها الفراخ ونسيها لحد ماتنزل كل الماء بتاعتها وتتشرب وهنزود بعدها ربع كباية ماء عشان تستوي كويس وهنسيبها بردو لحد ما الماء تتشرب ونطفي عليها
  3. هنيجي للبشاميل بقى هنحط ملعقة زبدة وننزل عليها بالدقيق ونقلب وبعدين ننزل باللبن بارد عشان ميكلكعش ونقلب بسرعه بالمضرب اليدوي وبعد كدا نحط المرقة وملح وفلفل ولما يستوي هنشيل منه شوية على جنب للوجه
  4. هنجيب المعكرونه بعد ما سلقناها وهنقلبها في باقي كمية البشاميل وندهن صينية زبدة ونحط الفراخ وبعدين المعكرونة وبعد كدا نحط باقي كمية البشاميل ونحطوعلى الوجه جبنة موتزاريلا ورشه فلفل اسود ومعلقة زبدة كدا تتقطع صغنن وتتوزع على الصينية كلها
  5. هندخلها الفرن وهنسيبها حوالي نص ساعة او لحد ما الجبنة تحمر وتأخذ اللون
  6. ملحوظة: لازم البشاميل يكون خفيف ولو تقل منك زودي لبن
عجبتك الوصفة؟
شوف كل وصفاتنا في مكان واحد
كل الوصفات →