→ كل الوصفات

نجرسكو بالطريقة الايطالية

#الشيف_الذهبي

  • 500 جم معكرونة سباجيتي او تلياتيلي
  • الخلطة
  • مكعبات صدرين فراخ مقطعين
  • مكعبات فلفل احمر و اخضر و اصفر
  • بصلة مبشورة
  • رشة بقدونس
  • عودين كرفس
  • ملح وفلفل اسمر
  • زيت زيتون
  • جزرتين صغيرين مبشورين او واحدة كبيرة مبشورة
  • البشاميل
  • 5 ملاعق كبار دقيق
  • ا ك لبن او نص لبن ونص ماء
  • ملعقتين سمن و3 ملاعق زيت
  • ملح وفلفل أسود حسب الرغبة
  • ربع ملعقة مرقة دجاج لو مكعبات يبقى ربع المكعب
  1. اول حاجة طبعاً نسلق المعكرونة وانا عملتها بالاسباجتي علشان هي اكتر حاجة متوفرة في بيوتنا لكن المفروض تتعمل بالمعكرونة الشرائح (التلياتيلي)
  2. الخلطة: نبشر بصلابة ومعاها زيت زيتون وعلى النار لغاية ما تذبل مش هتاخد لون ونضيف الفلفل الالوان والكرفس والجزر المبشور ونقلب لمدة دقيقتين ثم نضيف الفراخ المقطعة مع ملح وفلفل والبقدونس ونسيبها على النار لغاية ما تستوي لو تحبي تضيفي زيتون مقطع لكن انا مش كان عندي لكن الزيتون هيديها طعم تحفة ونغطيها على نار متوسطة لغاية ما تستوي
  3. البشاميل : نسيح الزبدة مع الزيت ونضيف الدقيق ونقلب فيه لمدة دقيقتين خلي بالك مش هيغير لونه ونضيف ليه اللبن او ماء و لبن زي ما تحبي مع الملح و رشة فلفل اسمر و مرقة الدجاج المرقة هتخلي البشاميل زي طعم الجاهز بالظبط وتقلبي فيه لغاية ما يبدء يتقل وخلي بالك مش عايزين البشاميل تقيل يكون اخف شوية من البشاميل العادي
  4. في صينية نضيف نص البشاميل مع المعكرونة ونقلبهم كويس وبعد كدة نضيف خلطة الفراخ ونقلب كويس لو لقيتي انها محتاجة شوية بشاميل كمان حطيلها وقلبيها مع رشة جبنة مبشورة او موزاريلا حطي باقي البشاميل على الوجه و عليها جبنة مبشورة و دخليها الفرن
  5. ملحوظة : النجرسكو جماله وهو سخن يعني من الفرن للاكل على طول وفي حاجة كمان لو عندك اطباق بايركس وزعي عليها الخليط وبعد كدة وزعي البشاميل على الوجه مع الجبنة و دخليهم الفرن هيكون اجمل واجمل ويكون كل فرد طبق وبالف هنا ويارب تعجبكم
عجبتك الوصفة؟
شوف كل وصفاتنا في مكان واحد
كل الوصفات →