→ كل الوصفات
طريقة عمل نجرسكو بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو صدور مقطعة صغير
- بصل وفلفل شرايح
- ملح وفلفل
- رشه بهارات فراخ
- ثوم وبصل باودر
- بابريكا
- كيس معكرونه نصف كيلو
- كيلو حليب
- 4 معالق كبيره دقيق
- مكعب مرق ملح وفلفل
- موتزاريلا واي نوع جبن متوفر
طريقة التحضير
- لعمل الفراخ نسخن طاسه على النار بها زيت ونحط الفراخ تأخذ صدمه ونضيف البهارات ونقلبها كويس ونسيبها تستوي ونضيف في الاخر البصل والفلفل
- لعمل البشاميل نقلب اللبن مع الدقيق في حله على البارد الاول وبعدين يترفع النار ويتقلب لحد مايبدا يتقل نضيف مكعب المرق والملح والفلفل ولو في جبنة شيدر او كيري نضيف منها هتفرق في الطعم
- لعمل المعكرونه نغلي ماء في حله ونضيف رشه ملح وحاوالي ملعقة زيت ولما تغلي نضيف المعكرونه ونسيبها تغلي وقبل ماتستوي نطفي عليها ونصفيها وترجع الحله نضيف عليها شويه من البشاميل ونقلبها
- هنحط على ارضيه الصينيه شويه بشاميل وبعدين نصف كميه المعكرونه وبعدين الفراخ ونضيف موتزاريلا وجبن رومي او شيدر ونحط باقي المعكرونه ونصب باقي البشاميل ونضيف على الوجه موتزاريلا
- تدخل الفرن على 200 درجه حوالي نص ساعة ونفتح الشوايه في الاخر تأخذ لون
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد