→ كل الوصفات

نجرسكو (بطريقة تانية غير اللي كنت منزلة وصفتها قبل كده)

انا هنا غيرت شوية عن وصفة اللي كنت عملاها هتلاقوها عندي بردو هتعجبكم الاتنين احلى من بعض الحمدلله 💞 #لالة_مولاتي #على_ذوقي

  • 1/2 : 3/4 ك مكرونة اسباجيتي
  • جبنة موزاريلا مبشورة حسب الرغبه
  • 1/2 ك صدور فراخ مكعبات
  • 1/2 م ص ملح
  • 1/2 م ص فلفل اسود
  • 1/2 م ص بابريكا
  • 1/2 م ص روزماري
  • رشة كزبرة ناشفة
  • 2 فص ثوم مهروس
  • م ص زيت الزيتون
  • بصلة متوسطة مقطعة مكعبات صغيره
  • فلفل ألوان (أحمر واصفر وأخضر حبة من كل لون) مقطعة مكعبات صغيره
  • فلفل حار مقطع شرائح (اختياري)
  • 1/2 كوب مشروم شرائح
  • 5 م ك زبدة او ميكس زبدة مع زيت
  • 5 م ك دقيق
  • 5 كوب حليب ساخن
  • 1 ورقة غار (ورق لورا)
  • رشة جوزة طيب
  • ملح وفلفل ابيض او اسود كمية حسب الرغبه
  • 1/2 علبة جبنة كريمي(110 جرام) او قشطة
  1. في بولة هنحط مكعبات او شرائح الفراخ و نحط عليها ملح وفلفل وبابريكا وروزماري و رشة كزبرة ناشفة وتوم المهروس و الزيت ونقلبهم كويس علشان يختلطوا ونسيبها ع جنب
  2. ف حلة ع نار فيها ماء كافي للسلق وشوية ملح ولما تغلي هنحط مكرونة اسباجيتي لاما تحطيها سليمه لاما تقسميها نصين و ماتتسلقش جامد لا تكون فيها bite كده و تكون متماسكة يعني مثلا لو كيس او علبه عندك مكتوب انها تحتاج ل ٨ دقايق سلق وتكون جاهزه انتي تخليها تتسلق ٦ دقايق او ٥ ونصفيها ونغسلها بماء بارد شوية ونسيبها تتصفى
  3. طبعا هنقطع خضار زي مانا كاتبة ف مكونات طبعا و نجيب طاسة ع نار فيها زيت هنزل بالفراخ الاول واقلب عليها دقيقتين وبعدين انزل بالخضار واقلب كل شوية واسيبها تستوي وبعدين اقفل عليها
  4. بالنسبة للصوص بشاميل: ف حلة هنحط زبدة تسيح ونحط دقيق ونقلب لحد مايختلطوا ويبقوا كريمي كده ابدأ انزل بالحليب بالتدريج مع تقليب مستمر علشان مايعملش تكتلات و لحد مانوصل لقوام خفيف شوية مش تقيل(لان بشاميل لما هيبرد هيتقل و لما يدخل الفرن هيتقل) هنحط بقى ورق الغار و جوزة طيب وملح وفلفل و جبنة كريمي ونقلب كويس ونسيبها تبدأ ف الغليان و تظهر القفاعات ونقفل عليها ونسيبها تبرد
  5. ف صينية مدهونة رشة خفيف من زيت وبعدين نحط طبقة خفيفة من بشاميل وبعدين نحط ١/٢ كمية اسباجيتي ونحط شوية بشاميل ونوزعها ع مكرونة كويسة وبعدين نحط خليط الفراخ بالخضار ونرش جبنة موزاريلا مبشورة
  6. بعدين احط باقي مكرونة اسباجيتي فوقها وفوقها باقي بشاميل وجبنة موزاريلا عليها من فوق و نحطها ف الفرن ع ٢٠٠° مابين ٢٠ : ٣٠ دقيقة ف رف اللي تحت اللي ف نص تستوي لو محتاجه لون ف اخر دقيقتين ولعي شوايه تديها لون دهبي وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →