→ كل الوصفات

نجرسكو #دايت 😋😋

مكرونه بالفراخ والبشاميل وجبه متكامله في طاجن واحد كله دايت وصحي 👌

  • 125 جرام مكرونه شوفان
  • 1/8 كيلو صدور مقطعه او اوراك
  • 1 فلفل رومي مقطع مكعبات
  • 1 بصله مقطع مكعبات
  • جزر مبشور
  • للبشاميل
  • 2 معلقه زيت زيتون
  • 2 معلقه دقيق شوفان
  • لبن خالي الدسم
  • ملح / فلفل اسود / جوز الطيب
  • للوش : بيضه بلدي صغير + فلفل اسود (وخدت نص الخليط بس)
  1. اول حاجه بسلق المكرونه بجيب حله وبحط مياه ورشة ملح تغلي ننزل بكميه من المكرونه تتسلق
  2. تاني حاجه بحضر الحشو بجيب حله ونضع رشة زيت زيتون خفيف يسخن ننزل بالفراخ المغسوله ومقطعه مكعبات تتشوح ثم ننزل بالبصل نشوحه معها ثم الفلفل الرومي والجزر المبشور والتوابل ونخلطهم كويس ثم ننزل بفنجان مياه لحد ما يستوي ونطفي عليه
  3. تالت حاجه نحضر صوص البشاميل بجيب حله صغيره وننزل بمعلقيتن الزيت او الزبده (حسب نظام الدايت بتاعك) قصادهم معلقتين دقيق شوفان ونخلط بالمضرب السلك ثم ننزل باللبن خالي الدسم ثم ننزل بالتوابل
  4. ملحوظه ؛ منزودش لبن كتير لان دقيق الشوفان بيتقل لو سبتيه شويه فمتستعجليش وتزودي لبن علشان الخليط ميبقاش خفيف
  5. بعد كده بنخلط المكرونه المسلوقه + خليط الفراخ ومعلقه بشاميل عبشان يبقي جوسي و بنجيب طاجن صغير او القوالب الجاهزه زي الصوره ونضع المكرونه وعلي الوش البشاميل ثم ندهن الوش بالبيض (ومخدش البيضه كلها)
  6. ونحطها في صينينه علشان اعرف امسكها وندخلها فرن سابق التسخين علي ٢٠٠ درجه ونشغل الشوايه تاخد وش تحمر ونخصم من سعرتنا في اليوم دا وهي وجبه متكامله وبالف هنا 🧑🏼‍🍳
عجبتك الوصفة؟
شوف كل وصفاتنا في مكان واحد
كل الوصفات →