→ كل الوصفات
#معكرونه #بشاميل #نجرسكو #فراخ #جبن
المقادير
- 1/4 معكرونه حلزونيه أو شرايط
- 1/4 صدور دجاج مقطعة صغير او مفروم
- كيلو الا ربع لبن
- معلقتين ونص كبار دقيق
- اي مادة دهنيه زيت/ سمن/ زبدة
- 2 بصلة مفرومة
- رشة ملح
- رشة ثوم وبصل بودر
- رشة بابريكا وكارى
- شطه (اختياري)
- رشة فلفل اسود
- 1/8 جبنة موتزاريلا
- 1/8 تركي مبشورة
- 1/8 شيدر مبشورة
طريقة التحضير
- تحضير الفراخ؛ هنسخن شوية سمنه او زبده او زيت وننزل بالبصل اول ما يذبل هتنزل بصدور الفراخ ولو عندك فلفل اخضر متقطع صغير خالص انزلى بيه و كل البهارات ونغطي عليها ونسيبها تستوي ونتابعها لحد ما تلاقيها طريت كدة
- البشاميل؛ تسخنى اي دهون برضه وبعدين تحطى الدقيق وتقلبى وبعدين تنزلى باللبن وفلفل اسود وملح ورشه كركم وشويه جبنة تركي وتفضلى تقلبى بمضرب بيض يدوي لحد ما يتقل معاكى ، لو تقل اوي زودى لبن او ماء لو خف حكى شويه دقيق وبعدين نطفى عليه
- طبعاً هنكون سالقين المعكرونه ، هنشيل شوية بشاميل يغطوا الصينيه على جنب ، وهنجيب حلة البشاميل وننزل عليها بالمعكرونه المسلوقه والفراخ ونقلب
- في صينيه صغيرة هندهنا زيت وشوية بشاميل وننزل باللى في الحلة نفردة في الصينيه وبعدين نفرد البشاميل على الوجه و عليها الجبن كلها
- ندخل الصينيه على درجه حرارة 190 تحت 5دقايق بس وبعدين نولع الشواية وننقلها فوق وتسبيها لحد ما الجبن تسيح والوش يحمر زي الصورة كدة وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد