→ كل الوصفات
طريقة عمل نجرسكو 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو بانيه مقطع شرايح
- كيسين معكرونة قلم او اسباجتي زي ما تحب
- كيلو لبن
- كوبين شوربة
- جبنة شيدر مبشورة و كوب موزاريلا
- 4 ملاعق دقيق
- 4 بصلات وسط
- فصين ثوم
- معلقتين قشطة لباني
- زيتون اسود واخضر
- فلفل رومي
- ملح وفلفل اسود حسب الرغبة
- م ص بهارات
- 3 ملاعق زيت كبار
- 3 ملاعق سمنة كبار
طريقة التحضير
- هنتبل الفراخ من بالليل او على الاقل نسيبها في التتبيل 4 ساعات و هتكون عبارة عن بصلتين مبشورين و هضيف عليهم ملح و فلفل و بهارات و بحط ملعقة خل تفاح بتدي طعم حلو
- هنسلق المعكرونة و نصفيها و نسيبها
- هنجيب طاسة و نحط فيها معلقتين زيت و ملعقة سمنة و هشوح فيها بصلتين مبشورين و فصين ثوم و لما نشم ريحتهم هنزل بالفراخ بتتبيلتها و قيل السوا هحط الفلفل الرومي و الزيتون و اقلب و اقفل
- في حلة هجيب معلقتين زيت وملعقة سمنة يقدحوا وانزل بالدقيق يتحمر واحط اللبن واقلب كويس بعدها احط الشوربة واول ما يغلي هحط نص كوب موزاريلا وبشر جبنة شيدر والقشطة واول ما يتقل او حسب القوام اللي تحبوة اقفل
- هجيب طبق واحط فية المعكرونة كلها وعليها بشاميل واقلب كويس
- هجيب صينية واحط فيها كبشتين بشاميل ونص المعكرونة وعليها شوية بشاميل و الفراخ اوزعها كويس وعليها شوية بشاميل واحط بقية الموزاريلا و فوقهم البشاميل و بقية الجبنة الشيدر على الوجه وفي الفرن على 180 لمدة 25 دقيقة وتحت الشواية 10 دقائق
- وبالهنا والشفا 🌸
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد