→ كل الوصفات
طريقة عمل نجرسكو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ فرخه مخليه ومتقطعه صغير
- بصله
- فص ثوم
- جزره
- طماطمايه وبطاطسايه صغيرة
- فليفله متقطعه صغير
- ½ معلقه صغيره كاري
- ½ معلقه صغيره كركم
- ½ معلقه صغيره قرفة
- معلقه صغيره ملح
- معلقه صغيرة بهارات كفته
- رشة فلفل اسمر
- كيس معكرونه اقلام
- ½ كوب دقيق
- نص كوب زيت
- لبن
- بيضتين
- جبنة رومي مبشوره
- جبنة موتزاريلا
- معلقة لبن بودرة
طريقة التحضير
- نحط الفراخ على الحاجات اللي مكتوبين قبل كيس الفراخ كلهم ونسيبها تتبل فيهم لمدة ساعتين ونشوحهم في زيت ونقلبهم كل دقيقتين لحد ما الفراخ تستوي
- نسلق المعكرونه ونصفيها من المياه
- لعمل البشاميل نحط حله فيها ال نص كوب زيت مع ال نص كوب دقيق ونقلبهم على النار لحد ما الدقيق يصفر مانغمقهوش و نهدى النار ونبدأ نضيف لبن لحد ما قوامه يبقى مش تقيل ولا خفيف ونطفى عليه ونسيبه يبرد ٥ دقائق ونضيف عليه بيضتين ورشه ملح و رشة فلفل اسمر ونقلبهم كويس اوي
- نأخذ نص الكميه بتاعة البشاميل ونحط عليها المعكرونه المسلوقه و الحشو اللي عملناه و نقلبهم على بعض
- نأخذ النص التاني من البشاميل ونضيف عليه ملعقة لبن بودرة و جبنة رومي مبشوره وجبنه موتزاريلا ونقلبهم في بعض ونفردهم على الوجه وندخلهم الفرن على درجة حراره متوسطه لحد ما الوجه نلاقيه اتظبط و الف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد