→ كل الوصفات
اول مره اعملها وطلعت لذيذه والجبنه غيرت طعمها خالص
المقادير
- 2 كيس مكرونه قلم
- 2 صدر دجاج
- 2 حبه بصل متوسطه
- 2 حبه فلفل اخضر بارد
- 1/4 كوب زيت زيتون
- 1/4 معلقه صغيره ملح
- 1/2 معلقه كبيره كزبره
- 1/2 معلقه كبيره كمون
- 1/4 معلقه صغيره فلفل اسود
- 4 كوب ميه كبير ورشه ملح ومعلقه كبيره زيت لسلق المكرونه
- البشاميل
- 1/2 كوب دقيق
- كوب ونصف لبن
- 1/2 كيلو جبنه شيدر
- رشه ملح خفيفه
- رشه كمون
- ورشه كزبره
- 1/4 كوب زيت نباتى
طريقة التحضير
- بسم الله نغسل صدور الدجاج كويس ونخليها من الجلد والعظم ونقطعها بالطول قطع رفيعه
- نغسل البصل والفلفل ونقطعهم بالطول برضو نحضر مقلاه ونرفعها على النار تسخن ونضيف زيت الزيتون وعليه البصل نحمرها بس مش قوى وبعدين نضيف صدور الدجاج ونفضل نقلب لحد ما الصدور تشرب ميتها وبعدين نضيف الفلفل لحد مايدبل ونضيف التوابل والملح ونطفىء النار
- نقسم نصف كيلو الجبنه ونقطع نصف منه قطع صغيره والباقى نضيف شويه ميه فى الخلاط ونخلطه بس لزم يكون ثقيل
- الجبنه اللى قطعنها نضيفها على صدور الدجاج ونقلبها مع الدجاج على نار هاديه وياريت ده يكون قبل مانرص المكرونه فى الصينيه
- نحضر حله متوسطه ونضيف الميه والملح والزيت ونرفع الحله على النار اول ماتغلى نضيف فيها المكرونه تتسلق
- نحضر البشاميل فى حله نضيف فيها الزيت اول مايسخن ننزل بالدقيق ونقلبه بالمضرب اليدوى حنقلبه لمده خمس دقايق وبعدين ننزل باللبن ونهدى النار عشان حيبدا يتماسك الخليط نفضل نقلب لحد مايثقل الخليط ونضيف الكزبره والفلفل والملح وننزل من على النار
- حنضفى المكرونه من الميه ونخليها تبرد ونحضر صينيه بيركس متوسطه ونضيف شويه بشاميل وعليه شويه جبنه وبعدين نضيف نصف كميه المكرونه وعليها صدور الدجاج وبعدين باقى المكرونه وفوقها البشاميل وعلى الوجه باقى الجبنه
- نسخن الفرن من تحت وبعدين ندخل الصينيه الفرن على رف السلك اول ماتحمر من تحت نشغل النار من فوق لتحمير الوجه
- وهنا وعافيه يارب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد