→ كل الوصفات
النجرسكو السايح النايح 😋😍
المقادير
- ½ كيلو معكرونة اقلام او سباغيتي المتاح
- 2 كوباية جبنة موزاريلا
- 500 جرام صدور مخلية متقطعة شرايح رفيعة
- بصلة
- فلفل اخضر ورومي
- 1 طماطم
- 3 فصوص ثوم
- معلقتين زبادي
- ملح وفلفل أسود حسب الرغبة
- ملعقة صغيرة كاري
- ملعقة صغيرة كركم
- ملعقة صغيرة توابل فراخ
- ملعقة صغيرة بابريكا
- معلقة خل
- معلقتين عصير ليمون
- معلقتين زيت
- كيلو ونص لبن بارد
- 2 مرقة دجاج
- رشة ملح
- 4 معلقة سمنة
- 4 معلقة ممسوحة دقيق
طريقة التحضير
- الفراخ مغسولة ومصفية من ميتها هنعملها تتبيلة مختلفة واطعم بكتير هنضرب البصل والطماطم والفلفل والثوم والزبادي في الخلاط كويس وبعدين نضيف الملح والبهارات والخل والليمون والزيت ونخلطهم كويس ونضيف الفراخ ونسيبها حوالي ساعة في تتبيلة دي
- هنكون بنسلق المعكرونة بتاعتنا وعلى جريل او طاسة فيها زيت هننزل بالفراخ ونقطع عليها فلفل وطماطم ونسيبها تنشف من ميتها وتستوي
- البشاميل طريقته نزلتها قبل كدا بس دا مستحب يبقى خفيف
- لما البشاميل يجهز هنحط الفراخ على المعكرونة وعليهم جبنة موزاريلا ونخلطهم كويس ونضيف عليهم تقريبا ثلث ارباع مقدار البشاميل ونخلطهم و في صينية مدهونة سمنة نضيف الخليط بتاعنا ونضيف عليه باقي البشاميل يغطيه تماما
- وعلى الوجه بحط باقي الجبنة وبدخلها الفرن تأخذ لون واخرجها وبالف هنا 😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد