→ كل الوصفات
جربوها هتدمنوها بجد ومش هتاكلوها من بره تاني 🥰♥️✨
المقادير
- جبنة موتزاريلا مبشورة
- جبنة رومي مبشورة (إختياري)
- مكونات الحشو
- 2 معلقه كبيره زيت
- بصله متوسطه مقطعة قطع صغيرة
- 1/2 كيلو صدور دجاج مقطعة مكعبات
- فلفل الوان مقطع شرائح
- مشروم (فطر) مقطع شرائح
- زيتون شرائح
- توابل الحشو: ممكن تغيروا اي حاجه فيها على حسب اللي بتحبوه
- 2 معلقه صغيره ملح
- معلقه صغيره فلفل اسمر
- معلقه صغيره بهارات فراخ
- معلقه صغيره كاري
- معلقه صغيره بابريكا
- معلقه صغيره ثوم بودر
- معلقه صغيره بصل بودر
- رشه زعتر وروزماري (اختياري بس بيدو طعم وريحه حلوه اوي)
- مكونات الصوص الابيض
- 3 معلقه كبيره زبدة
- 2 معلقه كبيره زيت
- 4 معلقه كبيره دقيق
- لتر لبن (بدرجه حراره الغرفة)
- معلقه ونص صغيره ملح
- معلقه صغيره فلفل اسمر
- 1 مكعب ماجي
- 4 قطع جبن مثلثات او كيري
- 3 معلقه كبيره لبن بودر
- مكونات سلق المعكرونه
- كيلو إلا ربع معكرونه (قلم)
- 2 معلقه صغيره زيت
- 2 معلقه صغيره ملح
طريقة التحضير
- هنبدأ بالحشو.. نسخن طاسه وننزل بالزيت والبصل ونشوحه لحد ما يصفر وبعدين ننزل بالفراخ تأخذ لون
- وبعدين ننزل كل التوابل بتاعتها ونقلب كويس وبعدين ننزل الفلفل الالوان ونشوحه دقيقه
- وبعدين ننزل الفلفل والمشروم والزيتون ونقلب مش بتأخذ ٥ دقائق وبتكون خلصت
- نجهز الصوص الابيض بقي.. حله على نار هاديه وننزل بالزبدة وعليها معلقتين الزيت لحد ما يسخنو كويس وبعدين ننزل الدقيق ونقلب بسرعه بمضرب بيض يدوي لحد م يبقى لونه ذهبي فاتح وننزل عليه باللبن ونقلب في نفس الوقت بسرعه ، وبعدين نضيف الملح والفلفل ومكعب الماجي ونقلب كويس ونزود ماء لحد ما نوصل للقوام اللي بتحبوه (المفروض يكون مش سايل اوي ولا ماسك اوي)
- وبعدين ننزل بمكعبات الجبنة ونقلب كويس عشان يسيحوا.. ولما يبدأ يغلي نجيب نص كوب ماء صغير بدرجه حراره الغرفه ونذوب فيها اللبن البودرة و نضيفه للصوص الابيض ونقلب لحد ما يغلي تاني ويبقى كده خلص.. طعمه بيكون تحفه بجد اللي هو يتاكل لوحده اصلا 😅
- نسلق بقي المعكرونه واحنا بنعمل الصوص الابيض ، حله وفيها كميه مناسبه من الماء ونسبها تغلي ونضيف المعكرونه ونضيف معلقتين الزيت ومعلقتين الملح.. ونقلب تقليبه خفيفه ، اهم حاجه نطلعها ثلثين سوي يعني فيها عضه كده عشان لسه هتدخل الفرن
- دلوقتي كل حاجه جاهزه معانا.. هنجيب صينيه كبيره ونضيف فيها معلقتين كبار من الصوص الابيض.. وبعدين نحط اول طبقه معكرونه وعليها رشه من الصوص الابيض
- وبعدين نضيف الحشو اللي عملناه كله ونوزعه كويس
- وبعدين نضيف طبقه المعكرونه التانيه وعليها رشه صوص ابيض
- ونحط بقي اول طبقه جبنة (موتزاريلا).. وعليها آخر طبقه من الصوص الابيض
- وبعدين نحط طبقه كمان من الجبنة الموتزاريلا.. وانا زودت طبقه كمان من الجبنة الرومي المبشوره بتدي لون وطعم حلو اوي
- بس وبكده تدخل فرن يكون سخن على درجة حراره 200 لمده 20 دقيقة وبعدين نفتح الشوايه دقيقه بس كده.. بألف هنا على قلوبكم ♥️✨
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد