→ كل الوصفات
هي مکرونه بشاميل لگن حشوة صدور فراخ تشبه النجرسگو ☺
المقادير
- 0.5 كيلو مكرونه قلم
- 4 قطع بانيه فراخ
- 1 بصله
- 1 فلفل أخضر
- معلقه صغيرة سمنه
- توابل
- رشة بصل بودره
- رشة زعتر
- رشة توم بودره
- رشة فلفل اسود
- 0.5 معلقه صغيره فلفل اسود
- رشة كمون
- البشاميل
- معلقتين كبار دقيق
- قليل جبنه رومي
- قليل جبنه موزاريلا
- ملعقتين كبار سمنه
- 2 كوب لبن حليب
- 0.25 كوب ماء
- 0.5 معلقه صغيره ملح
طريقة التحضير
- سلقت المكرونه وسيبتها على جمب
- غسلت البانيه وقطعتهم صغير
- بشرت البصله ناعمه وفي طاسه دبلتها
- قطعت فلفل اخضر صغنن ودبلته مع البصل
- نزلت بالفراخ شوحتها معاهم وحطيت معلقه صغيره سمنه والتوابل
- هديت النار عليها. نزلت ميتها واستوت فيها
- البشاميل: الدقيق والسمنه تقلبي في حله على النار لما يطلع فقاقيع ويبدا يغلي بعدته عن النار
- نزلت بالحليب والميه و الملح وقلبت بسرعه بالمضرب اليدوي ورجعته على النار دقايق
- خدي منه شويه حوالي نص كوب وقلبيه على المكرونه
- جيبي بايركس او صينيه وحطي نص المكرونه وفوقيها حشوة الفراخ وحطيت النص التاني م المكرونه وصبيت باقي البشاميل كله على المكرونه من فوق ورشيت جبنه موزاريلا ورومي على الوش ودخلتها الفرن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد