→ كل الوصفات
طريقة عمل نجرسكو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 400 جرام معكرونة فرن
- 0.5 كيلو صدور فراخ
- كوب مشروم (فطر)
- 1 بصلة, كبيرة
- 3 فليفلة
- مكعب مرق
- بصل, باودر
- ثوم, باودر
- مكونات البشاميل
- كيلو حليب
- 3 ملاعق طحين
- 3 ملاعق سمنة
- مكعبين مرق
- جوزة الطيب
- فلفل اسود
- 0.5 كوب جبنة موزاريلا, للوجه
طريقة التحضير
- نقطع الصدور قطع صغيرة ونقلبها بشوية زيت على النار
- نزيد عليها البصل ونقليهم ليذبل البصل مع التوابل
- نزود الفليفلة المقطعة ونتركن على نار هادية. وبعدين نزود المشروم (الفطر) المتقلي عليهم ونقلب
- بطنجرة تانية نسلق المعكرونة
- نحط السمن ونسخنه ونزود عليه طحين ونقلبه منيح لياخذ اللون الذهبي
- نزود الحليب والبهارات والماجي ونحرك نص دقيقة.وبعدين نرفعهم من عن النار ونضربهم بالخلاط, عشان ما يكون فيه كتل ابدا
- بنرجع بنحطن على النار ليغلوا وياخدوا السماكة يلي بدنا ياها
- نحط نص خلطة الدجاج على المعكرونة اللي سلقناها وصفيناها, مع مغرفتين بشاميل ونقلبهم
- بننزل نص طنجرة المعكرونة بيللي عليها بصينية مدهونة بشاميل سميك. وبعدين بنحط فوقها باقي خلطة الدجاج ورشة بشاميل
- وبنفضي باقي المعكرونة ونحاول نخليها متساوية
- ونحط بشاميل على الوش وفوقه جبنة موزاريلا. ونحطها بالفرن بالرف الرسط, لمدة نص ساعة. بعدين نشغل الشواية تحتى تعطي وجه ذهبي
- صحة وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد