→ كل الوصفات
طريقة عمل نجرسكو 👍 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس ونص معكرونه (نوع المعكرونه حسب الرغبه)
- 3 فلفل الوان
- 3 معالق طعام سمن
- 3 دقيق
- 2 بصله متوسطه
- لتر لبن
- مكعب مرقه
- معلقه صغيره ملح
- معلقه صغيره فلفل
- معلقه صغيره كمون
- معلقه صغيره بهارات فراخ
- معلقه صغيره بابريكا
- معلقه صغيره ثوم وبصل بودر
- 0.5 فنجان زيت
- 2 ورك فرحه
- موتزاريلا
- رومي مبشور
- زيتون مخلي
- 2 مكعب جبنه كيري او جبنه شيدر حسب الرغبه
طريقة التحضير
- هنسلق المعكرونه وبلاش نغسلها بعد مانخلص ونسيبها عقبال مانكمل الخليط
- هنغسل الفراخ كويس جداً ونشيل اي دهون ونحطها في ماء وخل وبعدين هندعكها بالفلفل والملح
- هنقطع الفراخ مكعبات صغيره ونديها صدمه في السمنه وبلاش نقلبها عشان متتسلقش احنا عاوزنها محمره وبعدين هنضيف البصل مقطع والفلفل الألوان وبعدين نحط ملح وفلفل وكمون وبهارات فراخ ونسيبها تتدبل شويه
- لتحضير البشاميل ملعقتين سمنه ونسيحها وننزل ب٣معالق دقيق ومكعب مرقه واللتر اللبن ساقع واحده واحده ويتم اضافه ملعقة ص ملح ومعلقه ص فلفل اسود وجبنه كيري ويفضل انه يكون بشاميل مش تقيل اوي
- هنحط الفراخ عالمكرونه المسلوقه ونص البشاميل وشويه جبنه رومي ونخلطهم كويس في بعض وبعدين نحطهم في الصينيه وعليهم باقي البشاميل والجبنه الرومي من فوق الوش والموتزريلا ونسيبها ع درجه حراره ١٨٠ ٢٠ دقيقه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد