→ كل الوصفات
طريقة عمل نجرسكو🍝 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيس معكرونه اَي نوع
- 3 قطع بانيه مقطع شرايح رفيعة
- 3 معالق كبيره دقيق
- كوبين حليب
- كوب مرقه
- توابل
- ملح
- فلفل
- باربيكا
- توابل ايطاليه
- فلفل اخضر
- بصله صغيره
- 1 زبادي
- معلقه كبيره جبنه كريمي
- 0.25 كوب كريمه طبخ
- جبن موزاريلا
طريقة التحضير
- البانيه يكون مغسول كويس و متقطع شرايح صغيره و متبل ب ملح و فلفل و بابريكا و كمون و زبادي و يتساب من بليل
- نسلق المعكرونة و نصفيها و نسيبها على جنب
- نجيب طاسه و نشوح فيها البصل و الفلفل الشرائح و بعدين نضيف البانيه و رشه بسيطه جداً من ملح وفلفل و ثوم بودره ونقلب لحد ما يستوي
- في حله هنحط الحليب و التوابل ملح و فلفل و اَي توابل متاحه و بابريكا و الدقيق و ملعقة الجبنه الكريمي و ربع كريمه طبخ و نقلب كويس لحد ما نوصل لسمك متجانس وبلاش يتقل اوي
- في البايريكس ندهنه بنقطه زيت و اول طبقه هتكون الصوص الأبيض و بعدين طبقه معكرونه و بعدين طبقه صوص ابيض و البانيه و تاني طبقه صوص بسيطه و جبن موزاريلا و نضيف بقيت الماكرونه و بقيت الصوص و اخر شي طبقه جبن موزاريلا
- ندخله الفرن نص ساعه من تحت و بعدين تأخذ وجه وخلاص بألف هنا😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد