→ كل الوصفات

نجرسكو

طريقة عمل نجرسكو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس معكرونه اسباجتي
  • 1/2 بانيه متقطع شرايح
  • 4 حبه فلفل الوان متقطع شرايح (احمر ، اصفر ، اخضر)
  • 2 بصله متقطعه شرايح
  • كيلو لبن
  • 4 معالق دقيق
  • جبنة رومي (كوب)
  • جبنة موتزاريلا (فنجان او كوب صغير)
  • 2 مكعب مرقه دجاج
  • ملح
  • فلفل اسود
  • ورق لورا
  • بابريكا
  • ثوم بودرة
  • بصل بودرة
  1. هنسلق المعكرونه بشكل تاني.. حاله على النار و نسيب ماء تغلي و نزود لمايه السلق ملح و فلفل اسود و ورق لورا و مكعب مرقه (كان عندي مرقه فوريه ملعقة صغيرة مليانه هتقضي الغرض) و لو فـ بهارات شوربه متاحه ممكن نحط منها و نقلب المعكرونه كل شويه عشان متلزقش
  2. نص سوي المعكرونه هنأخذ كوب من ماء السلق المبهره ديه و لو فـ شوربه مش هنحتاج نعمل الخطوه ديه و هنسلق المعكرونه عادي جداً
  3. حله على النار فيها معلاقتين ثلاثة زيت تسخن و نحط فيها البانيه المتقطع شرايح
  4. بعد ما الفراخ اتشوحت و خدت لون مختلف عن لونها ننزل بـ الفلفل و البصل المتقطع شرايح
  5. بنضيف على الفراخ الفلفل الاسود و الملح و البابريكا و الثوم و البصل البودرة و نحط شويه ماء صغيرين و نغطي عليهم (لو الفراخ نزلت ماء متحطيش ماء و سبيها تستوي منها فيها) مبتخدش وقت فـ السوي
  6. انا بعمل البشاميل على البارد.. كيلو اللبن مع 3 او 4 ملعقة دقيق مع فلفل اسود و ملح و بحط مكعب مرقه او ملعقة مرقه فوريه و بقلبهم كويس و بعدين برفعهم على نار متوسطه مع التقليب المستمر (لو فـ جبنة كيري او قشطه او جبنة موتزويلا ممكن نضيق شويه بتدي طعم خطير) ، بضيف كوب ماء سلق المعكرونه و بكمل تقليب لحد ما اوصل للقوام المطلوب
  7. صينيه هديها شويه زيت و اوزعها و بعدين احط كبشه بشاميل و اوزعها و انزل عليها بالمعكرونه
  8. اوزع الخشو بتاعي عليها كويس
  9. ارش عليها الجبنة الموتزاريلا و شويه جبنة رومي
  10. هنحط اخر طبقه معكرونه و نغطيها بالبشاميل و و نرش الرومي من فوق و ندخلها الفرن (يكون الفرن شغال من اول ما بدأتي)
  11. ده الشكل النهائي.. الف هنا على قلوبكم 😍❤
عجبتك الوصفة؟
شوف كل وصفاتنا في مكان واحد
كل الوصفات →