→ كل الوصفات
اكلات للعشاء #Hadeer_Ashraf ❤️
المقادير
- 4 معلقة كبيرة سمنة
- 4 معلقة كبيرة دقيق
- 1 لتر لبن بارد
- رشة من (الملح - الفلفل الاسود - جوزة الطيب اختيارية)
- 2 صدر فرخة متقطع مكعبات
- 1 حبة بصل متقطعة مكعبات
- 1 حبة فلفل أخضر متقطعة مكعبات
- 1 حبة فلفل ألوان متقطعة مكعبات
- شرايح زيتون
- رشة ملح
- 1/2 معلقة صغيرة من (البابريكا - الفلفل الاسود - روز ماري)
- 1 معلقة صغيرة توم مهروس
- كيس مكرونة سباجيتي
طريقة التحضير
- بنكسر المكرونة الاسباجيتي لنصفين بعد كدا بنسلقها في ماء مغلي عليه معلقة كبيرة ملح ونقلب من وقت للتاني مدة التسوية حسب اللي مكتوب على الكيس
- هنجهز البشاميل.. في حلة على النار هنضيف السمنة ونسيبها لما تسيح وتسخن كويس بعد كدا هننزل بالدقيق ونقلبه لمدة دقيقة
- بعد كدا هننزل باللبن البارد بالتدريج مع التقليب المستمر عشان ميعملش تكتلات وبعدين نضيف الملح والتوابل ممكن نخفف قوام البشاميل بماء بارد ونقلب كويس
- هنجهز الفراخ.. في طاسة على النار هنضيف الفراخ وكل الخضار ماعدا الزيتون وعليهم التوابل والتوم ونضيف عليهم معلقة زيت ونقلبهم على النار لحد ما الفراخ تستوي
- نبدأ نجهز الصنية.. هنضيف نصف كمية البشاميل على المكرونة ونقلبهم كويس مع بعض بعد كدا هنضيف نصف كمية المكرونة في الصنية ونوزعها كويس وبعدين نضيف حشوة الفراخ وعليها الزيتون
- بعد كدا هنضيف النصف التاني من المكرونة وعليهم باقي كمية البشاميل على الوش ممكن نضيف جبنة مودزيلا على الوش حسب الرغبة
- ندخل الصنية الفرن على حرارة 180 لحد ما تتحمر من تحت وبعدين نفتح الشواية تاخد لون دهبي من فوق وبس كدا ألف هنا 😋❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد