→ كل الوصفات

نـجـرســكو 😍

نـجـرســكو مطرقـعــةة آخـــر حـــاجةةة 😍 أجمد واطعم نجرسكو ممكن تاكلوهااا فـ حياااااتكم واهـم حــاجةةة انها مفيدة ولذيذة لاولادنا 👼🏻👼🏻

  • ك معكرونة, قلم
  • ك لبن بلدي, مغلي
  • 0.5 كيلو بانيه, حسب الرغبة
  • علبة زبادي بلدي
  • كوب موتزاريلا
  • 1 فلفل الوان, شرائح
  • 1 فلفل رومي, شرائح
  • 1 فلفل حامي, شرائح
  • 2 بصلة
  • قليل زيتون اخضر, شرائح, اختياري
  • فص ثوم, مفروم
  • 1 ليمونة
  • قليل زيت ذرة
  • 1 معلقة سمن
  • 6 معالق دقيق
  • 2 مكعب مرقة كنور دجاج
  • ملح
  • فلفل اسمر
  • قرفة
  • بابريكا
  • زعتر
  • اضافات اختيارية
  • كوب شوربة, غير دسمة
  • كوب اي نوع جبنة, رومي, شيدر, نستو
  1. اهم خطوة, نغسل الفراخ ونصفيها ونقطعها. ونعصر عليها ليمونة ونرش رشة ملح وفلفل اسمر ونقلبهم كويس. ونسيبهم في الثلاجة كام ساعة ويفضل يوم كامل
  2. نسلق المعكرونة بالماء على النار نصف سلقة
  3. نجيب طاسة ونسخنها ونحط فيها شرايح الفراخ ونقلب. وننزل بعدها بالبصلتين مقطعين شرائح, او صغير, حسب الرغبة وفص ثوم مفروم. ونرش رشة ملح وفلفل اسمر وبابريكا وزعتر ونقلب
  4. قبل ما نطفي عليها ننزل بشرائح الفلفل الالوان والرومي والحار
  5. وننزل بالدقيق ونشوح الدقيق فيهم. وننزل باللبن شوية بشوية ونقلب باستمرار. وننزل بعلبة الزبادي ونرش رشة ملح وفلفل اسمر وقرفة ومكعبين مرقة كنور ونقلب كويس
  6. نخلي البشاميل خفيف خالص يا جماعة. وبعد ما نطفي عليه, نحط شوية موتزاريلا. ونقلب ونسيبها تسيح جواه
  7. نحط شوية زيت ذرة على النار. وننزل معاهم بمعلقة السمنة وننزل بمكعبين المرق. ونقلبهم لحد ما يسيحوا
  8. هنجيب الصينية ونحط فيها ملعقة زيت. وننزل بكمية المعكرونة اللي تحت ونصب عليها نص البشاميل. ونرص الفراخ وشرائح الزيتون ونحط شوية موتزاريلا
  9. وننزل بباقي المعكرونة ونصب باقي البشاميل. ونسخن الفرن شوية وندخل الصينية نص ساعة, كله يدخل مع بعض. وتأخذ وجه بسيط والبشاميل اللي في النص ماينشفش ويبقى طري, علشان نحس بيه في الاكل يم يم. 😋
  10. مـلحوظة : ممكن تزودي البشاميل بشوربة لو عندك بس متبقاش دسمة. وممكن كمان تحطي اي نوع جبنة عندك بواقي الثلاجة في البشاميل, رومي, شيدر, نستو. انتي ومزاجك بقى. 😉
عجبتك الوصفة؟
شوف كل وصفاتنا في مكان واحد
كل الوصفات →