→ كل الوصفات

نودلز وفراخ سويت اند ساور

الفراخ بطريقة آية حبيب

  • 1/2 كيلو صدور فراخ متقطعة قطع صغيرة
  • 2 حبات فلفل ألوان
  • بصلة كبيرة
  • بيضة
  • طبق نشا لتقليب الفراخ
  • 1/2 معلقة صغيرة ملح
  • 1/2 معلقة صغيرة فلفل
  • 2 معلقة كبيرة صويا صوص
  • معلقة كبيرة خل تفاح
  • 1/3 كوب كاتشب
  • 1/3 كوب خل تفاح
  • 2 معلقة كبيرة صويا صوص
  • 2 فص توم مهروس
  • 1/2 كوب سكر
  • معلقة كبيرة نشا
  • مكرونة شرايط
  • خضار حسب الرغبة
  • 2 حبات كوسة
  • 2 حبات خيار
  • 2 حبات جزر
  • حبة فلفل أخضر
  • حبة فلفل ألوان
  • بصلة
  • رشة زنجبيل
  • توم بودر
  • كركم
  • 5 معالق كبيرة صويا صوص
  • معلقة كبيرة ونص كاتشب
  • 1/2 معلقة كبيرة عسل اسود
  • 1/2 معلقة صغيرة نشا
  • 1/4 كوب ماء
  1. نتبل الفراخ برشة الملح والفلفل والصويا صوص وخل التفاح ونسيبها ساعة في التلاجة
  2. نقطع الفلفل والبصل مربعات صغيرة ونسيبها على جنب
  3. نجهز الصوص نحط الكاتشب والصويا والخل والسكر والنشا والتوم ونزود رشة ملح لو الصوص محتاج
  4. نطلع الفراخ ونكسر عليها بيضة ونقلبها كلها فيها كويس
  5. نحط زيت في طاسة يسخن كويس
  6. نقلب الفراخ في النشا وأول ما نجهز كمية نحطها في الزيت السخن ونطلعها لما لونها يبقى دهبي بلاش نجهز الفراخ في النشا ونسيبها مدة طويلة
  7. معلقتين زيت في طاسة وأحط عليهم الخضار المتقطع وأقلبه لحد ما يدبل وبعدين نزود عليه الصوص الصوص هيبدأ يتقل تدريجي بسبب النشا
  8. نحط الفراخ في الصوص ونقلبها وكده الفراخ جاهزة 😌
  9. نسلق المكرونة ونصفيها ونشيلها على جنب
  10. نقطع الخضار شرايح طويلة ورفيعة عشان تكون مناسبة مع النودلز.. ونكتر الكمية لإنها بتكش جامد بعد ما تدبل ونحط معلقتين زيت في حلة وننزل الخضار فيها ونقلبها لحد ما تدبل
  11. نجهز الصوص على جنب، نحط الصويا والكاتشب والعسل ونقلبهم، وندوب النشا في المايه على جنب كويس وبعدين نزودها للصوص
  12. بعد ما الخضار يدبل نرش عليه الزنجبيل والتوم بودر ورشة صغيرة من الكركم، وبعدين ننزل الصوص
  13. ننزل النودلز ونقلبها كويس وكده المكرونة جاهزة😌
عجبتك الوصفة؟
شوف كل وصفاتنا في مكان واحد
كل الوصفات →